क्रूरतेचा कळस! दारूसाठी पैसे न दिल्याने कापले पत्नीचे ओठ आणि नाक, घटनेने खळबळ
By ऑनलाइन लोकमत | Published: March 15, 2021 04:38 PM2021-03-15T16:38:53+5:302021-03-15T16:41:11+5:30
Crime News : धक्कादायक बाब म्हणजे दारूसाठी पत्नीने पैसे दिले नाहीत म्हणून नवराने टोकाचं पाऊल उचलत पत्नीवर हल्ला केला आहे.
क्रूरतेचा कळस! दारूसाठी पैसे न दिल्याने कापले पत्नीचे ओठ आणि नाक, घटनेने खळबळ
Next नवी दिल्ली - राजस्थानच्या जोधपूरमध्ये नात्याला काळीमा फासणारी एक घटना घडली आहे. नशेत असलेल्या पतीने धारदार शस्त्राने आपल्या पत्नीचं नाक आणि ओठ कापल्याचा भयंकर प्रकार समोर आला आहे. धक्कादायक बाब म्हणजे दारूसाठी पत्नीने पैसे दिले नाहीत म्हणून नवराने टोकाचं पाऊल उचलत पत्नीवर अशा प्रकारे हल्ला केला आहे. यामध्ये जखमी झालेल्या महिलेला उपचारासाठी तातडीने रुग्णालयात दाखल करण्यात आले आहे. महिलेने रुग्णालयातूनच पोलिसांना फोन करून या घटनेची माहिती दिली आहे.
मिळालेल्या माहितीनुसार, जोधपूरच्या प्रतापनगर परिसरात ही घटना घडली. पोलिसांनी दिलेल्या माहितीनुसार, 45 वर्षीय महिलेने स्वतः पोलिसांना याबाबत माहिती दिली. पती सकाळपासून रात्रीपर्यंत दारू पितो. संध्याकाळी त्याने दारूसाठी काही पैसे मागितले. तेव्हा महिलेने त्याला पैसे देण्यास स्पष्ट नकार दिला. यावरून तो प्रचंड चिडला आणि संतापाच्या भरात धारदार शस्त्राने त्याने तिच्या नाकावर आणि ओठांवर वार केले. यात ती गंभीर जखमी झाली. बाबूलाल असं पतीचं नाव आहे.
मोठमोठ्या नेत्यांसोबत ओळख असल्याचं सांगून देत होता धमकीhttps://t.co/WhKDTUr2c5#BJP#crime#crimesnews#Police
— Lokmat (@MiLOKMAT) March 15, 2021
बाबूलाल याने महिलेला सोडले होते. गेल्या काही दिवसांपासून महिला अन्य एका व्यक्तीसोबत राहत होती. त्या व्यक्तीचे काही दिवसांपूर्वी निधन झाले होते. त्यानंतर बाबुलाल पुन्हा तिच्यासोबत राहू लागला. दारू पिऊन तो तिला मारहाण करत असे. याच दरम्यान त्याने महिलेच्या नाकावर आणि ओठांवर वार केले. महिलेच्या तक्रारीनंतर पोलिसांनी आरोपीला अटक केली आहे. त्याच्याविरोधात हत्येचा प्रयत्न केल्याचा गुन्हा दाखल केला आहे. पोलीस या संपूर्ण प्रकरणाचा अधिक तपास करत आहेत.
भाजपा नेत्याची दादागिरी! महिला अन् तिच्या मुलीला हॉकी स्टिकने केली बेदम मारहाण, Video व्हायरल
हरियाणाच्या फरीबाद जिल्ह्यामध्ये स्वतःला भाजपा नेता (BJP) सांगणाऱ्या एका व्यक्तीची दादागिरी पाहायला मिळाली आहे. त्याने महिला अन् तिच्या मुलीला हॉकी स्टिकने बेदम मारहाण केल्याची धक्कादायक घटना समोर आली आहे. या मारहाणीचा एक व्हिडीओही सोशल मीडियावर जोरदार व्हायरल झाला आहे. भाजपाचा नेता म्हणवणाऱ्या व्यक्तीवर महिलेला मारहाण आणि तिच्या मुलीसोबत छेडछाड केल्याचा आरोप करण्यात आला आहे. पोलिसांनी महिलेच्या तक्रारीनंतर आरोपीविरोधात पॉक्सो कायद्याच्या कलम 8 आणि आयपीसी कलम 323, 506 अंतर्गत गुन्हा दाखल केला आहे.
"तुम्ही आणि तुमच्या घरचे मला जगू देत नाहीत", खासदाराच्या घराबाहेरचं कापून घेतली हाताची नसhttps://t.co/Rr5An2du1y#crime#CrimeNews#Suicide#BJPpic.twitter.com/38wd2yZlHC
— Lokmat (@MiLOKMAT) March 15, 2021
संतापजनक! मंदिरात पाणी पिण्यासाठी आला म्हणून मुस्लीम मुलाला बेदम मारहाण, Video व्हायरल
उत्तर प्रदेशच्या गाझियाबादमध्ये एक धक्कादायक घटना घडली आहे. मंदिरात पाणी पिण्यासाठी आलेल्या एका मुस्लीम धर्मीय मुलाला बेदम मारहाण केल्याचा संतापजनक प्रकार समोर आला आहे. मुलाला मारहाण करणाचा एक व्हिडीओ सोशल मीडियावर जोरदार व्हायरल झाला आहे. पोलिसांनी याप्रकरणी एकाला अटक केली आहे. आरोपीनेच आपल्या इन्स्टाग्राम अकाऊंटवरून हा मारहाण करतानाचा व्हिडीओ शेअर झाला आहे. या प्रकरणाची तातडीने गंभीर दखल घेऊन गाझियाबाद पोलिसांनी कठोर कारवाई करत आरोपीला अटक केली आहे.
मारहाणीच्या व्हिडीओमुळे सोशल मीडियावर संतापाची लाट, एकाला अटकhttps://t.co/PyzYk4VOg8#crime#crimesnews#Police#arrest#UttarPradesh
— Lokmat (@MiLOKMAT) March 14, 2021