सातारा: प्रेमास नकार दिल्याने महाविद्यालयीन युवतीला तिच्या चेहऱ्यावर ॲसिड टाकण्याची धमकी दिल्याची खळबळजनक घटना साताऱ्यात घडली असून याप्रकरणी एका युवकाला सातारा शहर पोलिसांनीअटक केली आहे.
विक्रम बाळकृष्ण निपाने (रा. महादरे, ता. सातारा) असे अटक करण्यात आलेल्या युवकाचे नाव आहे. याबाबत पोलिसांनी दिलेली माहिती अशी, संबंधित २७ वर्षीय युवती साताऱ्यातील एका महाविद्यालयात शिक्षण घेत आहे. गत दहा वर्षापासून विक्रम निपाने हा संबंधित युतीचा पाठलाग करत होता. तू मला खूप आवडतेस, माझे तुझ्यावर प्रेम आहे. मला तुझ्यासोबत लग्न करायचे आहे. अशी तो युवतीला गळ घालत होता. मात्र संबंधित युवतीने त्याला स्पष्ट नकार दिला. त्यामुळे चिडलेल्या निपाने याने तू जर माझ्यासोबत लग्न केले नाहीस तर बघ मी काय करतो. तुझ्या तोंडावर ॲसिड टाकतो व बघतो, तुझ्या बरोबर कोण लग्न करते ते, अशी त्याने संबंधित युवतीला धमकी दिली. या प्रकारानंतर घाबरलेल्या युवतीने शहर पोलीस ठाण्यात धाव घेऊन तक्रार दाखल केली. त्यानंतर शहर पोलीस ठाण्यातील गुन्हे प्रकटीकरण शाखेच्या कर्मचाऱ्यांनी तत्काळ या घटनेची दखल घेऊन संशयित आरोपी विक्रम निपाने याला अटक केली. पोलीस उपनिरीक्षक नानासाहेब कदम हे या प्रकरणाचा तपास करत आहेत.
अन्य महत्वाच्या बातम्या...
दीपिका - करिष्माची समोरासमोर झाडाझडती, सारा, श्रद्धा देखील एनसीबी चौकशीसाठी पोहचल्या
दीपिकाची तीन-चार राउंडमध्ये होणार चौकशी, एनसीबीने जप्त केला फोन
NCB ने कारवाईचा फास आवळला, धर्मा प्रॉडक्शनच्या माजी निर्माता क्षितिज प्रसादला अटक
बापाच्या नात्याला काळिमा फासणारी घटना, ८ वर्षाच्या मुलीचा लैंगिक छळ
महापालिकेबाहेर आंदोलन करणाऱ्या किरीट सोमय्यांना पोलिसांनी घेतले ताब्यात
NCB ने वेळेवर आरोपपत्र दाखल न केल्याने आरोपाला मिळाला जामीन
कुंपणच शेत खातं! पोलिसाला लाच घेताना एसीबीने केली अटक
खळबळ! मनी लाँडरिंगप्रकरणी माजी पंतप्रधानांचे बंधू शहाबाज शरीफ यांना अटक
सावधान! हवाई सुंदरी बनण्याच्या मोहात २० तरुणी फसल्या, आता बदनाम करण्याची दिली जातेय धमकी