Comedians Bharti and Harsh in NCB custody, probe started | कॉमेडियन भारती आणि हर्ष एनसीबीच्या ताब्यात, कसून चौकशी सुरु 

कॉमेडियन भारती आणि हर्ष एनसीबीच्या ताब्यात, कसून चौकशी सुरु 

ठळक मुद्देअटकेत असलेल्या ड्रग्स पेडलरकडून मिळालेल्या माहितीनुसार भारती सिंग आणि हर्ष लिंबाचियाच्या घरी छापा टाकण्यात आला.

बॉलिवूड ड्रग्स प्रकरणात कॉमेडियन भारती सिंगच्या मुंबईच्या घरी नारकोटिक्स कंट्रोल ब्युरोने (एनसीबी) छापा टाकला आहे आणि धक्कादायक म्हणजे तिच्या घरात गांजा सापडला आहे. एनसीबीच्या मुंबई झोनल युनिटने कॉमेडियन अभिनेत्री भारती सिंह आणि तिचा नवरा हर्ष लिंबाचिया  यांच्या घरी छापा टाकला. एनसीबी अंधेरी, लोखंडवाला आणि वर्सोवा भागात छापे टाकत आहे. छापा टाकल्यानंतर गांजा सापडताच एनसीबीच्या पथकाने दोघांना ताब्यात घेऊन चौकशीसाठी घेऊन गेले आहेत. तसेच दोघांना समन्स बजावण्यात आले होते. 

प्रसिद्ध कॉमेडियन भारती सिंगच्या घरी NCBची धाड, छापेमारी दरम्यान सापडला गांजा

 

अटकेत असलेल्या ड्रग्स पेडलरकडून मिळालेल्या माहितीनुसार भारती सिंग आणि हर्ष लिंबाचियाच्या घरी छापा टाकण्यात आला. छाप्यादरम्यान एनसीबीला एक संशयास्पद अमली पदार्थ (गांजा) सापडला आहे. बॉलिवूडमध्ये ड्रग्स प्रकरणात आतापर्यंत बऱ्याच सेलिब्रेटींची नाव समोर आली आहेत. सुशांतची गर्लफ्रेंड रिया चक्रवर्तीपासून दीपिका पादुकोण, सारा अली खान, रकुल प्रीत सिंह यापासून ते अर्जून रामपालपर्यंत अनेकांची चौकशी झाली. अजूनही एनसीबीची ही करावाई सुरु आहे.   

 

 

Web Title: Comedians Bharti and Harsh in NCB custody, probe started

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.