छत्रपती संभाजीनगर : भरदिवसा गोळीबार करून नंतर अटकेसाठी घरी गेलेल्या पोलिसांना थेट आव्हान देणे कुख्यात गावगुंड शुभम जाट याला महागात पडले आहे. पोलिस आयुक्त प्रवीण पवार यांनी बुधवारी शुभम व त्याच्या ८ जणांच्या टोळीवर ‘मोक्का’अंतर्गत कारवाईस मंजुरी दिली आहे. यामुळे जाट याला जामीन मिळण्याचा मार्ग खडतर झाला असून, त्याच्यासह अन्य आठ जणांच्या अडचणीत वाढ झाली आहे.
'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!
मोबाइल व मुलीच्या वादातून शुभम भिकूलाल जाट (३०) याने कुख्यात गुन्हेगार अजय कागडाचे नातेवाईक सचिन लाहोट (रा. मुकुंदवाडी) यांच्या घरावर टोळीसह सशस्त्र हल्ला चढवला. १९ जानेवारी रोजी सकाळी घडलेल्या या घटनेत जाटने दोन वेळेस गोळीबार केला. जाटसह मयूर संजय उनगे, शिवा रमेश भालेराव, गोल्या ऊर्फ विजय दिनकर धनई, मनोज संजय पडूळ, सागर राऊत, अमर ऊर्फ अतुल पवार यांना अटक करण्यात आली होती. जाटने २०१६ ते २०२५ दरम्यान गंभीर स्वरूपाचे १६ गुन्हे केले आहेत. पोलिस निरीक्षक गजानन कल्याणकर, अशोक भंडारे, उपनिरीक्षक अर्जुन राऊत, रेशीम कोळेकर यांनी कारवाई केली.
यांचाही मोक्का कारवाईत समावेश
शुभम जाटसह मयूर संजय उनगे (२१, रा. साईनगर), शिवा रमेश भालेराव (२०, रा. विश्रांतीनगर), विजय दिनक धनई (२४), मनोज संजय पडूळ (२५), सागर प्रशांत राऊत (२०), ज्ञानेश्वर उर्फ माऊली मनोहर यादव (३२, चौघे रा. जय भवानीनगर), अमर उर्फ अतुल गणेश पवार (४०, रा. जालना).
सलग सातवी मोक्काची कारवाई
टोळी प्रमुख - इतर सदस्य
१.अजय रमेश वाहूळ उर्फ ठाकूर (२९, रा. सातारा गाव) - ७
२. मुकेश उर्फ मुक्या महेंद्र साळवे (२७, रा. मुकुंदवाडी) - ८
३. रवी जगताप काळे (२८, रा. शिदी शिरसगाव, ता. गंगापूर) - ५
४. सय्यद फेजल उर्फ तेजा (२७, रा. किलेअर्क) - ५
५. शेख जावेद उर्फ टिप्या (३५, रा. विजयनगर) - ५
६. सुमित सुभाष रुपेकर (२०, रा. साजापूर) - ३
Web Summary : Shubham Jat and eight gang members face MCOCA charges after firing incident. They also challenged police during arrest. Jat has 16 prior offenses.
Web Summary : शुभम जाट और आठ गिरोह सदस्यों पर गोलीबारी के बाद मकोका लगा। गिरफ्तारी के दौरान पुलिस को चुनौती दी। जाट पर पहले से 16 अपराध हैं।