स्टंटबाजी करताना त्याचे मित्र मागावून त्याचे मोबाईलवरून चित्रिकरण करीत होते. हा व्हिडिओ सोशल मीडियावर व्हायरल झाल्याने शहरात या घटनेचा संताप व्यक्त केला जात आहे.
मारटी साहानी हे आपल्या दुचाकीने जनता काॅलेज चौकातून वरोरा नाकाकडे जात होते. दरम्यान, मागावून काही युवक दुचाकीने स्टंटबाजी करीत होते. आदर्श नाणेद हा दुचारीवर उभा होऊन वाहन चालवत होता. अशातच त्याची दुचाकी पुढे आपल्या बाजूने जाणाऱ्या साहानी यांच्या दुचाकीवर अचानक धडकताच ते रस्त्याच्या कडेला कोसळले. यामध्ये ते गंभीररीत्या जखमी झाले. या घटनेचा अधिक तपास रामनगर पोलीस करीत आहेत.
बाॅक्स
चंद्रपुरात स्टंटबाजांचे पोलिसांना आव्हान
चंद्रपुरात अलीकडे दुचाकीवर स्टंटबाजी करणाऱ्यांची संख्या वाढली आहे. काही तरुणांकडे सायलेन्सरद्वारे फटाक्यासारखा आवाज करणाऱ्या दुचाकी आहे. ही मंडळी रस्त्याने धूमस्टाईल दुचाकी चालवून सायलेन्सरचा अचानक आवाज करतात. यामुळे अन्य दुचाकीस्वार गोंधळून अपघात होत असल्याच्या घटनाही शहरात वाढल्या आहेत. ही बाब पोलीस प्रशासनापुढे नवे आव्हान आहे. या स्टंटबाज दुचाकीस्वारांच्या मुसक्या आवळण्याचे काम वाहतूक नियंत्रक पोलिसांकडून व्हावे, असा सूर या घटनेनंतर चंद्रपूरकरांमध्ये आहे.