सन २०१९ मध्ये ड्रंक ॲण्ड ड्राइव्हच्या १०९० तर २०२० मध्ये केवळ २७५ कारवाया करण्यात आल्या आहेत. त्यामुळे तळीराम बिनादिक्कत मद्य प्राशन करून वाहन चालवित आहेत. मार्च महिन्यात कोरोनाचा रुग्ण आढळून येताच, देशात लॉकडाऊन सुरू करण्यात आले. यावेळी ब्रेथ ॲनालायझरमधून कोरोनाचा संसर्ग होऊ नये, म्हणून त्याचा वापर करण्यावर बंदी घालण्यात आली. अद्यापही ही बंदी हटविण्यात आली नाही. शहरात पोलीस अधीक्षकांच्या निर्देशानुसार महामार्गावर हेल्मेटसक्ती सुरू आहे. त्यामुळे महामार्गावर २४ तास वाहतूक पोलीस दिसून येतात. परंतु, ‘ब्रेथ ॲनालायझर’चा वापर करता येत नसल्याने या कारवायाची गती मंदावली आहे. त्यामुळे तळीराम बिनदिक्कतपणे मद्य प्राशन करुन वाहन चालविताना दिसून येत आहेत.
बॉक्स
बंदीतही जिल्ह्यात मुबलक दारू
चंद्रपूर जिल्ह्यात १ एप्रिल २०१४ पासून दारूबंदी करण्यात आली. मात्र, तरीसुद्धा मोठ्या प्रमाणात दारूची अवैध विक्री सुरूच आहे. त्यामुळे तळीरामांना सहज दारू उपलब्ध होते.
बॉक्स
कोरोनाकाळात कारवाई शून्यावर
२३ मार्चपासून कोरोनामुळे लॉकडाऊन जाहीर केला होता. त्यामुळे घराबाहेर पडण्यावर निर्बंध आले. तसेच ब्रेथ ॲनालायझरच्या वापरावर बंदी घालण्यात आली. त्यामुळे एप्रिल, मे या महिन्यात केवळ दोन, जून ७, जुलै ६, ऑगस्ट ८, सप्टेंबर ४ जणांवर ड्रंक ॲण्ड ड्राईव्हची कारवाई करण्यात आली.