दुसरबीड : भरधाव मालवाहू वाहनाने दुचाकीस धडक दिल्याने महाविद्यालयीन विद्यार्थी जागीच ठार झाला़ ही घटना १४ एप्रिल राेजी मलकापूर पांग्रा ते साखरखेर्डा रस्त्यावर घडली़ गणेश भाऊराव नागरे (२५) रा़ साेयंदेव असे मृताचे नाव आहे़
सोयंदेव येथील गणेश भाऊराव नागरे हा विद्यार्थी दुचाकी क्र. एमएच २८ एस ७५५९ ने १४ एप्रिल राेजी हिवरा आश्रम येथे जात हाेता़ दरम्यान, मलकापूर पांगरा येथील एक वळणावर समोरून आलेल्या मालवाहू वाहन क्र. एमएच २८ बीबी ३०३७ ने दुचाकीला जबर धडक दिली़ या अपघातात गणेश भाऊराव नागरे याचा जागीच मृत्यू झाला. माहिती मिळताच घटनास्थळी बिट जमादार नारायण गीते, पो.काॅ. विशाल बनकर, दिनकर बावरे आदींनी घटनास्थळावर धाव घेतली़ यावेळी माजी सरपंच शंकर जायभाये, विलास बोन्द्रे यांनीही मदत केली़ अपघातानंतर मालवाहू वाहनाचा चालक साखरखेर्डा पोलीस स्टेशनमध्ये स्वतःहून हजर झाला हाेता़ घटनास्थळ बीबी पोलीस स्टेशनमध्ये असल्याने पुढील तपास बीबी पोलीस स्टेशनचे ठाणेदार तावरे यांच्या मार्गदर्शनाखाली सहायक फौजदार पवार करत आहेत.