एसटी बसची अँपेला धडक; आठ जखमी

देऊळगावराजा चिखली मार्गावर प्रवासी घेऊन जाणार्‍या अँपेला एसटी बसने धडक दिल्याने आठ प्रवासी गंभीर जखमी झाले.

देऊळगावराजा : भरधाव वेगात दगडवाडीकडे प्रवासी घेऊन जाणार्‍या अँपेला एस.टी. बसने धडक दिल्याने आठ प्रवासी गंभीर जखमी झाले. हा अपघात देऊळगावराजा चिखली मार्गावर सिनगाव जहागीर फाट्याजवळ गुरूवारी सकाळी ११.३0 वाजता घडला. जखमींना तातडीने सवरेपचार रुग्णालयात दाखल करण्यात आले आहे. भरधाव वेगात येणार्‍या अकोला औरंगाबाद एसटी बस क्रमांक (एम एच 0६ एस ८0६८) हिने समोरुन येणार्‍या अँपे क्रमांक (एम एच २८ आर २५३२) ला सिंनगाव फाट्यासमोर जोरदार धडक दिली. या अपघातात अँपेमधील वसंता दगडु जायभाये, बापुराव किसन घुगे, समिंद्राबाई व्यंकट बोरुडे, वासुदेव हरी जायभाये, धनंजय बबन जायभाये, कोंडाबाई हरिभाऊ घुगे, अनिल मोहन अतारे, राहणार सर्व दगडवाडी हे गंभीर जखमी झाले. हा अपघात ११.३0 वाजता झाला. या मार्गावरून माजी आ. तोताराम कायंदे येत असताना त्यांनी आपले वाहन थांबवून जखमींना तातडीने देऊळगावराजा येथील ग्रामीण रुग्णालयात स्वत:च्या गाडीने पोहोचविले. प्राथमिक उपचारानंतर गंभीर जखमींना जालना येथे हलविण्यात आले. अँपेचा चालक अनिल अतार याच्या फिर्यादीवरून पोलिसांनी एस.टी. बस चालक विजय दौलतराव कांबळे राहणार अकोला याच्या विरुद्ध गुन्हा दाखल केला. पुढील तपास पोलिस करीत आहेत.