औषध निर्मात्यांचे सामूहिक रजा आंदोलन

बुलडाणा जिल्ह्यात औषध निर्मात्यांचे सामूहिक रजा आंदोलन

बुलडाणा : महाराष्ट्र राज्य शासकीय, निमशासकीय व कंत्राटी औषध निर्माण अधिकारी संघटनांचे अध्यक्ष सतीश चोपडे यांच्या मार्गदर्शनात आज २५ जून रोजी पुकारलेल्या सामूहिक रजा आंदोलन बुलडाणा जिल्ह्यात पूर्णपणे यशस्वी झाले. या आंदोलनात जिल्हा संघटनेतील जवळपास १00 औषध निर्माण अधिकारी सहभागी झाले होते. या आंदोलनाचा परिणाम म्हणून बाह्यरुग्ण तसेच आंतररुग्ण विभागातील औषध वितरणाची प्रक्रिया पूर्णपणे बाधित झालेली होती व औषध वाटप खिडक्यावर प्रचंड प्रमाणात रुग्णांची गर्दी झाली होती. तरी शासनाने लवकरात लवकर संघटनेच्या मागण्या मंजूर करुन संघटनेला न्याय द्यावा, अन्यथा संघटनेकडून ३0 जून २0१४ पासून मुंबई येथे आझाद मैदानावर राज्यव्यापी बेमुदत संप पुकारण्यात येईल, असा इशारा देण्यात आला. आंदोलनात जिल्ह्यातील जिल्हा परिषद, सामान्य रुग्णालय, ग्रामीण रुग्णालय, क्षय आरोग्य धाम, जिल्हा क्षयरोग केंद्र, प्रा.आ.केंद्रामधिल सर्व औषध निर्माण अधिकारी सहभागी झाले होते.