माती परीक्षण मार्गदर्शन व कार्यशाळा

कृषी विज्ञान केंद्र, साकोली व रिलायन्स फाऊंडेशन माहिती सेवा यांच्या संयुक्त विद्यमाने शेतकऱ्यांसाठी माती परीक्षण मार्गदर्शन कार्यशाळेचे आयोजन करण्यात आले...

मातीच्या ८० नमुन्यांचे परीक्षण : एकोडी, तुडमापूरी, चांदोरी गावांमध्ये आयोजनसाकोली : कृषी विज्ञान केंद्र, साकोली व रिलायन्स फाऊंडेशन माहिती सेवा यांच्या संयुक्त विद्यमाने शेतकऱ्यांसाठी माती परीक्षण मार्गदर्शन कार्यशाळेचे आयोजन करण्यात आलेयामध्ये एकोडी, तुडमापूरी, चांदोरी या गावामध्ये माती परीक्षण कार्यशाळेचे आयोजन करण्यात आले होते. या कार्यक्रमामध्ये सुनिल साबळे यांनी मातीपरीक्षणाचे महत्व व त्यापासून मिळणारा फायदे शेतकऱ्यांना समजवून सांगितले. तसेच मातीचा नमुना कसा घ्यावा व घेताना काळजी कशी घ्यावी, याबद्दल मार्गदर्शन केल. त्यांचा खर्च कशाप्रकारे कमी होईल, याबद्दल मार्गदर्शन केले. तसेच रिलायन्स फाऊंडेशनच्या अधिकाऱ्यांनी सुद्धा मार्गदर्र्शन केले.या कार्यक्रमाला शेतकऱ्यांच्या उत्स्फूर्त प्रतिसाद मिळाला. यामध्ये फिरती माती परीक्षण प्रयोगशाळेद्वारे ८० मातीचे नमुने घेण्यात आले.कृषी विज्ञान केंद्र, साकोली येथे नत्र, स्फुरद, पालाश, सेंद्रीय, कर्ब, सामु. जमिनीची क्षारता, चार सुक्ष्म अन्नद्रव्ये, बोरॉन, झिंक, सल्फर व लोहची तपासणी करून जमिनीची आरोग्यपत्रिका शेतकऱ्यांना पुरविली जाते. शेतकऱ्यांना माती परीक्षणाची माहिती व्हावी, यासाठी कृषी विज्ञान केंद्रात माहिती पुरविली जाते. जास्तीत जास्त शेतकऱ्यांनी मोफत माती परीक्षणाचा लाभ घ्यावा, असे आवाहन कृषी विज्ञान केंद्र साकोली तर्फे करण्यात आले आहे. (तालुका प्रतिनिधी)