मोहाडीत उत्कृष्ट काम करणाऱ्या अधिकारी व कोरोनायोद्ध्यांचा गौरव

मोहाडी : कोरोना काळात मोहाडी तालुक्यातील शासकीय सेवेत राहून उत्कृष्ट काम करणाऱ्या अधिकारी व कोरोनायोद्धा कर्मचाऱ्यांचा जाहीर गौरव कार्यक्रम ध्वजारोहणवेळी प्रांगणात घेण्यात आला. यावेळी ग्रामपंचायत निवडणूक काळातील अहोरात्र मेहनत घेणारे मोहाडी येथील निवडणूक विभागातील कार्यरत संगणक ऑपरेटर म्हणून सचिन सेलोकर (मांढळ) यांचा उत्कृष्ट ऑपरेटर म्हणून गौरव करण्यात आला. मोहाडी तालुका आरोग्य विभागाच्या वतीने उत्कृष्ट आंधळगाव प्राथमिक आरोग्य केंद्रातील आशा निरंजना धनराज वनवे, आंधळगाव, बेटाळा प्राथमिक आरोग्य केंद्रातील रेखा रमेश कुंभलकर, रोहा, वरठी प्राथमिक आरोग्य केंद्रातील आशा शारदा शिलव फुले, वरठी, धोप येथील सहायक शिक्षक बाळासाहेब मुंडे, अतिरिक्त तहसीलदार देवीदास बोबुर्डे, तलाठी विद्या समरीत, कुशारी, निरंजनी मदनकर, नेरी, कीर्ती अमृते, मोहंगावबुज, निखिल गजभिये, पाचगाव, पराग तितिरमारे, वरठी, रवींद्र साळुंखे, सातोना, युवराज उके, महसूल विभागातील कृष्णा आकरे, चंद्रशेखर भोंगाडे, गजानन नान्हे, शरद बोरकर, जयवंता सव्वालाखे, निवडणूक विभागाचे प्रमुख चंद्रकिशोर मरसकोल्हे, संगणक ऑपरेटर सचिन सेलोकर मांढळ, विलास हेडाऊ कोदामेंढी यांना भारतीय प्रशासकीय सेवेतील व तहसीलदार मिलन करणवाल यांच्या हस्ते प्रमाणपत्र देऊन गौरव करण्यात आले. कार्यक्रमात आमदार राजू माणिकराव कारेमोरे, नायब तहसीलदार घनश्याम सोनकुसरे, मोरेश्वर हुकरे, विजय बोरकर यांची व्यासपीठावर उपस्थिती होती. कार्यक्रमाला यशवंत थोटे, सिराज शेख, गिरिधर मोटघरे, नरेंद्र निमकर, अफरोज पठाण, मंडळ अधिकारी आर.व्ही. मडामे, तलाठी आशिष टेकाम, सागर बावरे, माधुरी कावळे, शिल्पा डोंगरे, रामनारायण धकाते, आनंद हट्टेवार, युवराज गणवीर, महेश मानकर, निशा शर्मा, विनायक नंदनवार, नरेश चव्हाण, मयुरी मातटूरकर, श्रद्धा ठोंबरे, तृप्ती पाटील, शरद बोरकर आदी उपस्थित होते. कार्यक्रमासाठी शरद कोराम, धनराज शेंडे, विठोबा बावणे, हितेंद्र रहांगडाले यांनी सहकार्य केले. संचालन नायब तहसीलदार घनश्याम सोनकुसरे यांनी केले, तर आभार नायब नाझर प्रशांत गजभिये यांनी मानले.