दोन अपघातांत पाचजण जखमी

नरेंद्र मुळे, नामदेव राहगडाले (रा. बपेरा), अश्विन राणे, महेश निकुळे (रा. सिहोरा), ऋषिकुमार कोहळे (रा. गोंडीटोला) अशी जखमींची नावे आहेत. तुमसर-बपेरा राज्य मार्गावर नाकाडोंगरी राज्य मार्गावरील वाहतूक वळती करण्यात आली. त्यामुळे वाहनांच्या वर्दळीत वाढ झाली आहे. सोमवारी दुपारी २ च्यासुमारास अश्विन राणे, महेश निकुळे दुचाकीने सिहोराकडे येत असता एका वळणावर रनेरा गावाच्या शेजारी झाडावर आदळले. यात त्यांना दुखापत झाली आहे. दुपारी झालेल्या या अपघाताची शाई वाळत नाही तोच सायंकाळी ७ च्यासुमारास चुल्हाड बसस्थानकाशेजारी दोन दुचाकींची टक्कर झाली. यात नरेंद्र मुळे, नामदेव राहगडाले (रा. बपेरा) आणि ऋषिकुमार कोहळे (रा. गोंडीटोला) जखमी झाले. त्यांना तुमसरच्या उपजिल्हा रुग्णालयात उपचारासाठी दाखल करण्यात आले आहे.