जिल्हाधिकारी संदीप कदम, निवासी उपजिल्हाधिकारी शिवराज पडोळे, राज्य आपत्ती प्रतिसाद दलाचे सहायक समादेशक सुरेश कराडे, जिल्हा आपत्ती व्यवस्थापन अधिकारी अभिषेक नामदास व प्रशिक्षणार्थी उपस्थित होते. अतिवृष्टीमुळे अचानक पूरपरिस्थिती निर्माण होते. अशावेळी नदी काठावरील नागरिकांचे सुरक्षितस्थळी स्थानांतरण करणे जिकिरीचे काम असते. काहीवेळा व्यक्ती पाण्यातसुद्धा बुडतात. अशावेळी प्रशिक्षित व्यक्ती असेल, तर प्राण वाचविणे शक्य होते, तसेच पुरात अडकलेल्या व्यक्तींना सुरक्षितस्थळी स्थालांतरित करणे सोयीचे ठरते. हीच बाब लक्षात घेऊन राज्य आपत्ती प्रतिसाद दलातर्फे प्रशिक्षण देण्यात आले.
स्वयंचलित बोटीच्या माध्यमातून नागरिकांना सुरक्षितस्थळी पोहोचविणे, पुराने वेढलेल्या गावात बचावकार्य व राहतसामग्री पोहोचविणे, गरोदर महिला व लहान मुलांचे सुरक्षित स्थानांतरण आदीची रंगीततालीम यावेळी घेण्यात आली. बचाव कार्य करताना नेमकी काय काळजी घ्यावी, याबाबत राज्य आपत्ती प्रतिसाद दलाचे सहायक समादेशक कराडे यांनी अधिकारी, कर्मचाऱ्यांना मार्गदर्शन केले.
बॉक्स
टाकाऊ वस्तूंचा उपयोग
टाकाऊ वस्तूंपासून टिकाऊ असे आपण नेहमी म्हणतो. याचा अतिशय योग्य उपयोग राज्य आपत्ती प्रतिसाद दलाच्या चमूने केला आहे. वापरलेल्या पाण्याच्या बॉटलपासून उपयुक्त असे लाईफ सेव्हिंग डिव्हाईस त्यांनी बनविले. याचा कसा वापर करावा, हे यावेळी सांगितले. तसेच घरातील नेहमीच्या वापरातील वस्तूंचा बचाव कार्यात वापर करावा, याचेही प्रात्यक्षिक यावेळी दाखविण्यात आले.