प्रवेशद्वार रस्ता खड्डेमय

रस्ता बांधकामाला मंजुरी मिळाली असूनही कामाचा येथे पत्ता नाही. देव्हाडी मुख्य रस्ता तुमसर शहराचे प्रवेशद्वार आहे. रेल्वेस्थानक तथा गोंदिया राष्ट्रीय महामार्गाला जोडणारा हा एकमेव रस्ता आहे. गत दीड ते दोन वर्षापासून रस्त्यावर खड्डे पडले आहे. रस्त्याची चाळण झाली असून खड्ड्यातून येथे मार्गक्रमण करावे लागत आहे. सदर रस्त्यावर गत वर्षी तीन युवकांना जीव गमवावा लागला.

ठळक मुद्देतुमसरातील प्रकार : बांधकाम विभागाचे दुर्लक्ष

लोकमत न्यूज नेटवर्कतुमसर : तुमसर शहराचा प्रवेशद्वार रस्ता खड्डेमय झाला असून सदर रस्त्यावर अपघात होऊन आतापर्यंत तीन जणांना आपला जीव गमवावा लागला आहे.जवळपास दोन वर्षांपासून रस्त्याची दैनावस्था झाली आहे. दररोज ३० ते ३५ हजार नागरिक या रस्त्याने ये जा करतात. तुमसर-देव्हाडी रस्त्याची व्यथा कुणीच ऐकायला तयार नाही. या रस्त्यावर अर्ध्या फुटाचे खड्डे पडले आहेत. रस्ता बांधकामाला मंजुरी मिळाली असूनही कामाचा येथे पत्ता नाही.देव्हाडी मुख्य रस्ता तुमसर शहराचे प्रवेशद्वार आहे. रेल्वेस्थानक तथा गोंदिया राष्ट्रीय महामार्गाला जोडणारा हा एकमेव रस्ता आहे. गत दीड ते दोन वर्षापासून रस्त्यावर खड्डे पडले आहे. रस्त्याची चाळण झाली असून खड्ड्यातून येथे मार्गक्रमण करावे लागत आहे. सदर रस्त्यावर गत वर्षी तीन युवकांना जीव गमवावा लागला.विधानसभा निवडणुकीपूर्वी रस्ता बांधकामाचे भूमिपूजन करून देव्हाडी मार्गावरील शेकडो वृक्षांची कत्तलही करण्यात आली होती. परंतु रस्ता बांधकामाचा अजूनही प्रतीक्षाच करावी लागत आहे.सार्वजनिक बांधकाम खात्याचे त्यावर नियंत्रण आहे. मोठ्या खड्ड्यात हॉट मिक्स घालून बुजविण्यात आले. अजूनही शेकडो खड्डे तसेच आहेत. मिटेवानी ते देव्हाडी दरम्यान रस्ता बांधकामाला मंजुरी प्रदान करण्यात आली.परंतु कासवगतीने कामे सध्या सुरु आहेत. त्याचा फटका सर्वसामान्य नागरिकांना बसत आहे. मिटेवानी देव्हाडी रस्ता हायब्रीड रस्ता आहे. यात ६० टक्के शासन तर ४० टक्के कंत्राटदाराची रक्कम गुंतवणूक करण्यात आली आहे. त्यामुळे कार्यकारी अभियंता दर्जाचे अधिकाऱ्यांचे संबंधित कंत्राटदारांचे अभियंते ऐकवात अशी माहिती आहे. दोन दिवसापूर्वी कार्यकारी अभियंता एस.बी. नंदनवार यांनी संपूर्ण रस्त्याची पाहणी करून खड्डे भरण्याचे निर्देश दिले होते. परंतु केवळ थातूरमातूर खड्डे बुजविले असूनही मोठ्या प्रमाणात येथे खड्डे आहेत. वरिष्ठांच्या आदेशानंतरही कारवाई होत नसल्याचे दिसून येते.संबंधित कंत्राटदाराला देव्हाडी मार्गावरील खड्डे बुजविण्याचे निर्देश दिले आहेत. लवकरच खड्डे बुजविण्यात येतील.-एस.बी. नंदनवार, कार्यकारी अभियंता, बांधकाम विभाग भंडारा