मोहाडी बसस्टॉप चौकात बस थांब्याची मागणी

मोहाडी येथील जुना बस स्टॉप चौकात बसेस थांबा होता, परंतु तेथे दुभाजकाचे काम सुरू असतांना हा थांबा बंद करण्यात आला. हा थांबा सुरू करण्यात आला नाही. सध्या जिथे बस थांबतात तो नवीन बस स्टॉप शहराबाहेर असून पहाटेला व रात्री चारही बाजूला अंधार असल्याने येथे बाहेरगावी जाणाऱ्या युवती व महिला प्रवाशांना भीतीचा मोठा त्रास सहन करावा लागत आहे. बस स्टॉप चौकात चारही बाजूला पथदिवे असल्याने रात्रीलाही लख्ख उजेड असतो, तसेच लोकांचे येणे जाणे सुरू राहत असल्याने युवती व महिलांनाही भीती वाटत नाही.

तसेच हा बस थांबा शहराला लागून असल्याने सोयीचा आहे. येथे बस थांबल्यास अवैध प्रवासी वाहतुकीला सुध्दा आळा बसेल व एसटी च्या उत्पन्नात वाढ होईल, त्यामुळे बस स्टॉप चौकात व आंधळगाव रोडवर बसेस थांबविण्यात याव्या अन्यथा आंदोलन करण्यात येईल, असा इशारा माजी नगरसेविका शोभा बुरडे, मंदा धकाते, शोभा सोनकुसरे, शेवंता श्रीपाद, दुर्गा बुरडे, सोनल पराते, निर्मला कुंभारे, वंदना मेश्राम, छाया तरारे, ज्योती बारई, तरुणा कुंभारे, निकिता बारई, शारदा खोब्रागडे, अश्विनी बागडे, शकुंतला धकाते, गीता बोकडे, सिराज शेख, यशवंत थोटे, नरेंद्र निमकर, नईम कुरेशी, फिरोज पठाण, विजय पारधी, संदीप वैरागडे, संतोष वैरागडे, जितू सोनकुसरे, युसूफ शेख, प्रकाश खळोदे, जयदेव निखारे, प्रफुल देशमुख, गोपाल भुरे, संदीप भोयर, प्रवीण गायधने, राजेश निमजे, शालिकराम मोटघरे इत्यादी अनेक नागरिकांनी दिला आहे.