Life Lesson: जपानमधील लोक दीर्घायुषी होण्यामागे आहे 'हे' गुपित; इकिगाईने उलगडले रहस्य 

Life Lesson: जपानला उगवत्या सूर्याचा देश म्हणतात, तिथल्या भौगोलिक स्थितीतच नाही तर लोकांच्या जगण्यातही सकारात्मकता दिसून येते, कशी ते पाहा. 

जपानमधील ओकिनावा बेटावरील लोक जगातील सर्वात जास्त काळ आणि आनंदी आयुष्य जगणाऱ्या लोकांपैकी एक मानले जातात. त्यांच्या या दीर्घायुष्यामागचे रहस्य 'इकिगाई' (Ikigai) या संकल्पनेत दडलेले आहे. इकिगाई म्हणजे 'जगण्याचे प्रयोजन' किंवा 'सकाळी उठण्याचे कारण'. तुमच्या आयुष्यात हे कारण हरवले असेल तर इकिगाईच्या मदतीने तुमच्याही जीवनाला द्या नवीन आकार. 

सामुद्रिक शास्त्र: तुमच्या दातांमध्ये फट आहे का? अभिनंदन! तुम्ही आहात 'या' बाबतीत प्रचंड नशीबवान!

१. सक्रिय राहा, निवृत्त होऊ नका (Stay active; don't retire)

आयुष्यभर काही ना काही करत राहणे अत्यंत महत्त्वाचे आहे. केवळ नोकरीतून निवृत्त झालात म्हणजे कामातून निवृत्त झालात असे नाही; आपल्या आवडीची कामे करत राहिल्याने मेंदू आणि शरीर दोन्ही सक्रिय राहतात.

२. घाई करू नका (Take it slow)

धावपळीच्या जीवनात आपण अनेकदा जगण्याचा आनंद विसरतो. जेव्हा आपण गोष्टी हळुवार आणि शांतपणे करतो, तेव्हा जीवनाचा दर्जा सुधारतो आणि तणाव कमी होतो. रोज काही क्षण शांतपणे अनुभवा. 

३. पोट पूर्ण भरू नका (Don't fill your stomach)

जपानमध्ये 'हारा हाची बु' नावाचा एक नियम आहे, ज्याचा अर्थ आहे की पोट ८०% भरले की जेवण थांबवावे. अति खाण्यामुळे शरीरावर ताण येतो, तर थोडी भूक शिल्लक ठेवल्याने पचन सुधारते आणि ऊर्जा टिकून राहते.

४. चांगल्या मित्रांच्या सहवासात राहा (Surround yourself with good friends)

मित्र हे केवळ मनोरंजनासाठी नसून ते आपल्या आयुष्यातील तणाव कमी करण्याचे उत्तम साधन आहेत. चांगल्या लोकांशी संवाद साधल्याने मानसिक स्वास्थ्य सुधारते आणि एकाकीपणा दूर होतो.

Marriage Astro: लग्न होऊनही काही लोकांना संसारात रस का नसतो? कुंडलीतील 'हा' ग्रह नक्की तपासायला हवा!

५. पुढच्या वाढदिवसासाठी तंदुरुस्त व्हा (Get in shape for your next birthday)

तुमचे शरीर हे तुमचे मंदिर आहे. दररोज थोडा व्यायाम करून किंवा सक्रिय राहून स्वतःला पुढच्या वर्षासाठी अधिक फिट ठेवण्याचा प्रयत्न करा. हा फिटनेसच तुमच्या दीर्घायुष्याचे गुपित ठरेल.

६. स्मितहास्य करा (Smile)

एक छोटेसे स्मितहास्य केवळ तुमचाच नाही, तर समोरच्याचाही दिवस बदलू शकते. स्मितहास्य केल्याने शरीरात आनंदी संप्रेरके (Hormones) तयार होतात, ज्यामुळे मन प्रसन्न राहते.

७. निसर्गाशी नाते जोडा (Reconnect with nature)

माणूस निसर्गाचाच एक भाग आहे. निसर्गाच्या सानिध्यात वेळ घालवल्याने, बागेत फिरल्याने किंवा झाडांची निगा राखल्याने आपल्याला प्रचंड सकारात्मक ऊर्जा मिळते. महत्त्वाचे म्हणजे मनातील नकारात्मकता दूर ठेवणारा हा उत्तम पर्याय आहे. 

८. कृतज्ञता व्यक्त करा (Give thanks)

तुमच्याकडे जे काही आहे—तुमचे कुटुंब, आरोग्य, निसर्ग आणि प्रत्येक नवीन दिवस—याबद्दल कृतज्ञ राहा. आभार मानण्याची वृत्ती तुमच्या आयुष्यात अधिक आनंद घेऊन येते.

Ritual: मीठ-मोहरीच नाही, तर 'या' वस्तूंनीही काढतात व्यक्ती आणि वास्तूची दृष्ट; जाणून घ्या लाभ!

९. वर्तमानात जगा (Live in the moment)

भूतकाळातील दुःख किंवा भविष्याची चिंता करण्यापेक्षा 'आज' आणि 'आत्ता' या क्षणात जगणे महत्त्वाचे आहे. जो माणूस वर्तमान क्षणाचा आनंद घेतो, तोच खऱ्या अर्थाने सुखी असतो.

१०. तुमच्या इकिगाईचे अनुसरण करा (Follow your IKIGAI)

प्रत्येकाच्या आत एक विशेष कौशल्य किंवा आवड असते जी त्याला जगण्याची प्रेरणा देते. ती आवड ओळखा आणि तुमचे आयुष्य त्या दिशेने व्यतीत करा. रोज सकाळी उठताना आज दिवसभरात कोणत्या आनंददायी गोष्टी करायच्या आहेत, याचा आराखडा तुम्हाला जगण्याचे बळ देईल आणि तन मन निरोगी ठेवेल.