होलिका दहन फाल्गुन महिन्यातील पौर्णिमेला केले जाते. मराठी वर्षाच्या सांगतेला येणारा मोठा सण म्हणजे होळी. मार्च महिन्यात होळी आहे. संपूर्ण भारतात हा होळीचा सण विविध तऱ्हेने साजरा केला जातो. होळीचा दुसरा दिवस धूलिवंदनाचा. होळीच्या दुसऱ्या दिवसापासून चार दिवसांना धुळवडीचे दिवस असेही म्हणतात आणि फाल्गुन कृष्ण पंचमीच्या दिवसाला रंगपंचमी म्हणून ओळखले जाते. यंदा २ मार्च रोजी होळी (Holi 2026) म्हणजेच होलिका पूजन, दहन (Holika Dahan 2026) असून, 3 मार्च रोजी धुलिवंदन (Dhulivandan 2026) आहे , तर ८ मार्च रोजी रंगपंचमी (Rangpanchami 2026) आहे.
यंदाची होळी खूप खास आहे :
होळी हा मराठी वर्षातील शेवटचा सण. मात्र होळीवर चंद्रग्रहणाचे सावट आहे. ते भारतातून दिसणार आहे. म्हणून २ मार्च रोजी होलिका दहन केले जाईल आणि ३ मार्च रोजी चंद्रग्रहण पाळले जाईल. त्यादिवशी ग्रहण असल्याने धूलिवंदन साजरी न करणे हितावह राहील असे शास्त्रकार सांगतात.
या मुहूर्तावर होळीच्या रक्षेचा असा करा उपयोग :
रंग, आनंद आणि आनंदासोबतच वाईट वृत्तीवर विजयाचा सण आहे. होलिका दहन केल्याने आजूबाजूच्या नकारात्मक शक्तींचा नाश होऊन जीवनात आनंद निर्माण होतो. जीवनात सकारात्मकता आणि सुख-समृद्धी येण्याच्या दृष्टीनेही होळीचा सण खूप खास आहे. ही सकारात्मकता आयुष्यात उतरावी म्हणून होळीची रक्षा/ राख आपण श्रद्धेने कपाळाला लावतो. ही रक्षा लावण्याचे ज्योतिष शास्त्रात काही उपाय सांगण्यात आले आहेत, जे खूप प्रभावी आहेत. ते जाणून घेऊ.
होलिका भस्म कसे धारण कराल?
आर्थिक संकट दूर करण्याचा उपाय - आर्थिक संकट दूर करण्यासाठी होलिकेची भस्म लाल कपड्यात बांधून तिजोरीत ठेवा. तसेच त्या राखेची छोटीशी पुडी बनवू शकता आणि आपल्या पर्समध्ये ठेवू शकता. त्यामुळे आर्थिक स्थिती चांगली होऊ लागेल.
कामात यश मिळवण्यासाठी - कोणतेही नवीन कार्य सुरू करण्यापूर्वी होलिकेच्या भस्म करा, असे केल्याने कार्यात यश मिळते.
घरामध्ये सुख-शांती आणण्यासाठी उपाय - होलिकेचे भस्म एका डबीत ठेवा आणि शुभ मुहूर्तावर घराच्या प्रत्येक कोपऱ्यात चिमूटभर टाका, यामुळे घरातील भांडणे संपतील आणि सुख-शांती नांदेल.
घराचे वाईट शक्तीपासून रक्षणासाठी - घरातील एखादा सदस्य सतत आजारी असेल किंवा एखादे लहान मूल वारंवार आजारी पडत असेल तर होलिकेचे भस्म एका कपड्यात बांधून संबंधित व्यक्तीच्या उशाशी ठेवावे किंवा त्या व्यक्तीच्या कपाळाला लावावी, लवकरच फरक दिसून येईल
Web Summary : Holika Dahan on March 2, 2026, is special due to a lunar eclipse. Use Holika ash for financial stability, success, peace at home, and protection from negative energies. Various astrological remedies are suggested to improve life.
Web Summary : 2 मार्च, 2026 को होलिका दहन चंद्रग्रहण के कारण खास है। आर्थिक स्थिरता, सफलता, घर में शांति और नकारात्मक ऊर्जा से सुरक्षा के लिए होलिका की राख का उपयोग करें। जीवन को बेहतर बनाने के लिए ज्योतिषीय उपाय बताए गए हैं।