- नितीन कांबळेकडा (बीड): आष्टी तालुक्यातील शेरी बुद्रुक येथील एका १८ वर्षीय तरुणाचा शेततलावात बुडून मृत्यू झाल्याची धक्कादायक घटना सोमवारी दुपारी अडीच वाजेच्या सुमारास घडली. रितेश दीपक वाघमारे असे मृत तरुणाचे नाव आहे. मित्रांसोबत पोहण्यासाठी गेलेल्या रितेशला पोहता येत नसल्याने आणि अचानक पाय घसरल्याने हा अपघात घडल्याची माहिती समोर आली आहे.
नेमकी घटना काय?रितेश वाघमारे हा आपल्या मित्रांसोबत गावातीलच एका शेतकऱ्याच्या शेततलावावर पोहण्यासाठी गेला होता. इतर मित्र पोहून निघून गेल्यानंतर रितेश आणि त्याचा एक सहकारी मित्र तिथेच थांबले होते. कपडे धुवत असताना अचानक रितेशचा पाय घसरला आणि तो खोल पाण्यात गेला. पोहता येत नसल्याने तो पाण्यात बुडाला.
कुटुंबाचा आधार हरपलाघटनेची माहिती मिळताच ग्रामस्थांनी घटनास्थळी धाव घेतली. रितेशचा मृतदेह पाण्याबाहेर काढून शवविच्छेदनासाठी कडा येथील प्राथमिक आरोग्य केंद्रात आणण्यात आला आहे. अवघ्या १८ वर्षांच्या रितेशच्या अकाली जाण्याने वाघमारे कुटुंबावर दुःखाचा डोंगर कोसळला आहे. त्याच्या पश्चात आई, वडील, आजोबा आणि एक भाऊ असा परिवार आहे.
Web Summary : An 18-year-old youth drowned in a farm pond in Sheri Budruk, Ashti Taluka, Beed district. Ritesh Waghmare, who was swimming with friends, drowned after he slipped while washing clothes. He didn't know how to swim. The tragic incident has left his family devastated.
Web Summary : बीड जिले के शेरी बुद्रुक में कपड़े धोते समय 18 वर्षीय युवक की तालाब में डूबने से मौत हो गई। रितेश वाघमारे दोस्तों के साथ तैरने गया था, लेकिन कपड़े धोते समय फिसल गया और डूब गया। उसे तैरना नहीं आता था। इस दुखद घटना से परिवार सदमे में है।