अखेर आरणवाडी साठवण तलावाचा सांडवा फोडला

लोकमत न्यूज नेटवर्क

धारूर : तालुक्यातील डोंगराळ भागात हरितक्रांती करणाऱ्या आरणवाडी साठवण तलावाचा सांडवा पाच गावांच्या ग्रामस्थांचा होणारा विरोध झुगारून प्रशासनाने सुरक्षिततेच्या कारणावरून रविवारी फोडला. धारूर तालुक्यात आरणवाडी साठवण तलावाचे काम सतरा वर्षांपासून संथ गतीने सुरू होते. यावर्षी हे काम कसेतरी पूर्ण झाले. या तलावाच्या बाजूने गेलेल्या पर्यायी राष्ट्रीय महामार्गाचे काम करताना रस्त्याची उंची वाढविली नाही. २० जुलैला एमआरडीसीने पत्र देऊन पाणीसाठा कमी ठेवावा, रस्त्यास धोका होऊ शकतो, असे कळविले. त्यानंतर पाटबंधारे विभागाचे अधिकारी जागे झाले. तलावाच्या सुरक्षितेचे कारण पुढे करत पहिल्या वर्षी ८५ टक्केच पाणी ठेवता येईल, असे निरीक्षण नोंदवीत सांडवा फोडावाच लागेल, अशी भूमिका घेतली. मात्र, पाच गावांच्या ग्रामस्थांनी विरोध करत आक्रमक भूमिका घेतली. मात्र, शनिवारी रात्री पाटबंधारे विभागाचे अधीक्षक अभियंता, कार्यकारी अभियंत्यांनी ग्रामस्थांना अचानक पत्र देऊन रविवारी सकाळी हा सांडवा फोडण्यास सुरुवात केली.

अधिकारशाहीपुढे ग्रामस्थांची नरमाई

हा सांडवा उभा दोन मीटर, तर दहा फुट आडवा फोडण्यात येत असून, अधिकारशाहीपुढे ग्रामस्थांना हात टेकावे लागले. अधिकाऱ्यांनी भीतीने कुठलेही शासनपत्रक व नियम, निर्णय नसताना सांडवा फोडला असेल, तर वरिष्ठ पातळीवरून चौकशी करण्याची मागणी ग्रामस्थांनी केली आहे.

गाव आणि तलावाच्या सुरक्षेसाठी

सांडवा फोडला

आरणवाडी साठवण तलावाचे काम यावर्षी पूर्ण झाले. या तलावात ९० टक्के पाणीसाठा झाला. पहिले वर्ष असल्याने पाणीसाठा कमी असणे तलावाच्या सुरक्षिततेसाठी आवश्यक होते. वरिष्ठ अधिकाऱ्यांच्या पाहणीनंतर तलावाखालील गावांची सुरक्षा लक्षात घेता हा सांडवा फोडणे आवश्यक होते. पावसाळा संपल्यानंतर पुन्हा सांडव्याचे काम पूर्ववत करण्यात येईल, असे लघु पाटबंधारे विभागाचे कार्यकारी अभियंता यू.व्ही. वानखेडे यांनी सांगितले.

नवीन तलावाचा सांडवा फोडणे दुर्दैवी

आरणवाडी साठवण तलावाचे काम याच वर्षी झालेले असताना व पाणीसाठा झालेला असताना फोडावा लागणे, हे दुर्दैवी आहे. सांडवा फोडण्याच्या प्रकाराला शेतकऱ्यांचा विरोध असताना तो फोडल्यामुळे चौकशी करून दोषीवर कारवाई करावी, अशी मागणी शेकापचे भाई मोहन गुंड यांनी केली आहे.

250721\img_20210725_104021.jpg~250721\img_20210725_115330.jpg~250721\img-20210725-wa0042.jpg

आरणवाडी साठवण तलावा वर सांवा फोडताना झालेली गर्दी~आरणवाडी साठवण तलावाचा सांडवा फोडल्या नंतर वाहणारे पाणी~सांडवा फोडण्य पुर्वी