मातोरीजवळ कार नाल्यात कोसळली

मृतांमध्ये सुधीर मुनगंटीवार यांचे नातेवाईक

बीड : चालकाचे नियंत्रण सुटल्याने भरधाव कार नाल्यात कोसळून कारमधील पती- पत्नी ठार झाले. कल्याण-विशाखापट्टणम महामार्गावर शिरूर तालुक्यातील मातोरी परिसरात बुधवारी सायंकाळी साडेपाच वाजेच्या सुमारास हा अपघात झाला. अपघातात मयत झालेले दाम्पत्य हे भाजपाचे माजी मंत्री सुधीर मुनगंटीवार यांचे नातेवाईक असल्याची माहिती आहे.

मिळालेल्या माहितीनुसार माजी मंत्री सुधीर मुनगंटीवार यांची चुलत बहीण ममता तगलपल्लेवार व भाऊजी विलास तगलपल्लेवार हे त्यांच्या कारने (क्र. एमएच-२९ आर-४२३०) पुणे येथे मुलाला भेटण्यासाठी निघाले होते. दरम्यान कल्याण-विशाखापट्टणम महामार्गावर चकलांबा -तिंतरवणी दरम्यान मातोरी जवळ चालकाचा ताबा सुटल्याने कार नाल्यात जाऊन कोसळली. या अपघातात कारचा अक्षरशः चुरा झाला आहे. यामध्ये विलास तगलपल्लेवार (६२, रा. पुसद, जि. यवतमाळ) यांचा जागीच मृत्यू झाला. तर गंभीर जखमी ममता तगलपल्लेवार (५०) यांचा बीड येथील जिल्हा रुग्णालयात उपचारादरम्यान मृत्यू झाला. घटनास्थळी चकलांबा पोलीस ठाण्याचे फौजदार डिगांबर पवार यांच्यासह कर्मचाऱ्यांनी धाव घेतली.

===Photopath===

240221\242_bed_36_24022021_14.jpeg

===Caption===

अपघात