संशय आल्याने टाळले, पण एसीबीने गाठले! शेतकऱ्याला लाच मागणारा पोलिस घरातून अटकेत

By ऑनलाइन लोकमत | Updated: March 31, 2026 18:39 IST2026-03-31T18:38:15+5:302026-03-31T18:39:17+5:30

पोलीसच निघाला लाचखोर! दोन महिन्यांनंतर लाचखोर पोलीस कर्मचाऱ्याचा 'करेक्ट कार्यक्रम'

Beed Crime: ACB arrests police officer of Sirsala police station for demanding bribe of Rs 2,000 to remove sugarcane tractor | संशय आल्याने टाळले, पण एसीबीने गाठले! शेतकऱ्याला लाच मागणारा पोलिस घरातून अटकेत

संशय आल्याने टाळले, पण एसीबीने गाठले! शेतकऱ्याला लाच मागणारा पोलिस घरातून अटकेत

बीड : शेतातून ऊसाचा ट्रॅक्टर जाऊ देण्यासाठी अडवणूक करणाऱ्या शेतकऱ्याला मदत करण्याऐवजी, दोन हजार रुपयांची लाच मागणाऱ्या पोलीस कर्मचाऱ्याला बीड लाचलुचपत प्रतिबंधक विभागाने अखेर बेड्या ठोकल्या आहेत. दत्ता नागनाथ निघूळ (वय ३६, रा. पोलीस निवास, सिरसाळा) असे या लाचखोर पोलिसाचे नाव असून, मंगळवारी दुपारी साडेचार वाजेच्या सुमारास त्याला त्याच्या निवासस्थानातूनच ताब्यात घेण्यात आले.

सिरसाळा पोलीस ठाण्याच्या हद्दीतील एका शेतकऱ्याचा ऊसाचा ट्रॅक्टर शेतातून जाऊ दिला जात नव्हता. याबाबत शेतकऱ्याने तहसीलदारांकडे दाद मागितली होती. तहसीलदारांनी या प्रकरणात मदत करण्यासाठी सिरसाळा पोलिसांना अधिकृत पत्र दिले होते. या पत्राच्या आधारे दत्ता निघूळ याला संबंधित गावात पाठविण्यात आले होते. मात्र, ट्रॅक्टरचा मार्ग मोकळा करून देण्यासाठी निघूळ याने तक्रारदाराकडे दोन हजार रुपयांच्या लाचेची मागणी केली. हा प्रकार २७ जानेवारी २०२६ रोजी घडला होता.

संशय आल्याने टाळले, पण एसीबीने गाठले!
लाचेची मागणी झाल्यानंतर तक्रारदाराने एसीबीकडे धाव घेतली होती. दरम्यान, निघूळ याला तक्रारदारावर संशय आला, त्यामुळे त्याने फोन घेणे आणि भेटणे टाळले होते. मात्र, एसीबीने केलेल्या पडताळणीत लाचेची मागणी सिद्ध झाली होती. मंगळवारी दुपारी संधी मिळताच बीड एसीबीचे उपअधीक्षक सोपान चिट्टमपल्ले यांच्या पथकाने निघूळ याला पोलीस निवासातून अटक केली. दत्ता निघूळ याच्यावर आता त्याच्याच सिरसाळा पोलीस ठाण्यात गुन्हा दाखल करण्याची प्रक्रिया सुरू आहे.

ठाणेदार दहिफळे अडचणीत
सिरसाळा पोलिस ठाण्यातील सहायक पोलिस निरीक्षक गोरक्षनाथ दहिफळे यांचा मागील आठवड्यातच एका वकिलाबद्दल आक्षेपार्ह विधान केल्याचा व्हिडीओ व्हायरल झाला होता. याचा वकिल संघाकडून निषेध करत कारवाईची मागणी केली होती. परंतू वरिष्ठांनी त्यांना पाठिशी घातले. आता याच ठाण्यातील कर्मचाऱ्याने शेतकऱ्याकडे दोन हजार रूपयांची लाच मागितली आहे. आता दहिफळे यांचीही उचलबांगडी करून नियंत्रण कक्षात बदली होणार का? याकडे लक्ष लागले आहे.

Web Title : रिश्वत के शक से बचा, पर एसीबी ने पकड़ा पुलिसवाला!

Web Summary : बीड में एक पुलिस अधिकारी को किसान से ₹2,000 की रिश्वत मांगने के आरोप में गिरफ्तार किया गया। एसीबी जांच में रिश्वत की मांग की पुष्टि होने के बाद दत्तात्रेय निघुल को उसके आवास से पकड़ा गया। अब उसके वरिष्ठ अधिकारी पर भी आंच आ सकती है।

Web Title : Bribery suspicion led to avoidance, but ACB caught cop!

Web Summary : A police officer in Beed was arrested for demanding a bribe of ₹2,000 from a farmer. Dattatray Nighul was caught at his residence after an ACB investigation confirmed the bribe demand. His superior might face consequences.