Video: आनंद महिंद्रांचा मोठा निर्णय! कंपनीची वर्षानुवर्षाची ओळख 'पुसणार'; लोगो बदलणार

Mahindra SUV logo reveal film: महिंद्रा ऑटोमोटिव्हने युट्युब चॅनलवर या नव्या लोगोचा व्हिडीओ पोस्ट केला आहे. या व्हिडीओला नसरुद्दीन शहा यांचा आवाज आहे. शंकर एहसान लॉय यांनी म्युझिक दिले आहे.

Mahindra New Logo Revealed Mahindra XUV700: प्रसिद्ध उद्योजक आनंद महिंद्रा यांनी त्यांच्या महिंद्रा अँड महिंद्रा कंपनीचा लोगोच बदलण्याचा निर्णय घेतला आहे. Mahindra ने आपल्या नव्या लोगोचा व्हिडीओच जारी केला आहे. हा लोगो एम अक्षरासारखाच असून दोन त्रिकोण बाजुबाजुला आल्याचे भासतात. हा लोगो महिंद्राची नवीन एसयुव्ही SUV Mahindra XUV700 वर असणार आहे. ही एसयुव्ही आता नव्या लोगोसह येणार आहे. (Mahindra reveals new logo, to debut with Mahindra XUV700 SUV)

Anand Mahindra टेन्शनमध्ये; प्रिमियम एसयुव्ही XUV700 लाँचिंगआधीच झाली ट्रोल, लोकांना नापसंद

महिंद्रा ऑटोमोटिव्हने युट्युब चॅनलवर या नव्या लोगोचा व्हिडीओ पोस्ट केला आहे. या व्हिडीओला नसरुद्दीन शहा यांचा आवाज आहे. शंकर एहसान लॉय यांनी म्युझिक दिले आहे. नसरुद्दीन शहा या नव्या लोगोची कहाणी सांगत आहेत. महिंद्राची एसयुव्ही कशाप्रकारे प्रत्येक ऋतूमध्ये रस्त्यांवर आपली जादू पसरवत राहणार हे सांगण्यात आले आहे. 55 सेकंदांच्या या व्हिडीओमध्ये महिंद्राने हा लोगो दाखविला आहे. 

महिंद्राच्या या नव्या लोगोला कंपनीच्या डिझाईन टीमने तयार केले आहे. याचे मुख्य डिझाईन ऑफिसर प्रताप बोस आहेत. प्रताप यांनी काही महिन्यांपूर्वी टाटामधून राजीनामा देत महिंद्रामध्ये नोकरी स्वीकारली होती. लोगोची माहिती ‘Embodies the willingness to change to suit a new world order’ या लाईनने केली जाते. 

SUV Mahindra XUV700 नव्या लोगोसह लाँच केली जाणार आहे. महिंद्रा एक्सयुव्ही सिरीजच्या कारची अनेकांना प्रतिक्षा आहे. काही दिवसांपूर्वी या कारचे फोटो व्हायरल झाले आहेत. ही कार Tata Safari, Hyundai Alcazar आणि MG Hector Plus सह अन्य एसयुव्हींना टक्कर देणार आहे.