भारतीय इलेक्ट्रिक टू-व्हीलर बाजारपेठेत जानेवारी २०२६ हा महिना ऐतिहासिक ठरला आहे. टीव्हीएस मोटर कंपनीने आपल्या 'iQube' आणि 'Orbiter' मॉडेलच्या जोरावर आतापर्यंतची सर्वोच्च मासिक विक्री नोंदवली आहे. विशेष म्हणजे, ओला इलेक्ट्रिकची विक्री कमालीची घटली असून ती आता टॉप ५ च्या शेवटच्या स्थानी पोहोचली आहे.
टीव्हीएसने जानेवारीत दररोज सरासरी १,१११ ई-स्कूटर्सची विक्री केली आहे. कंपनीचा बाजारपेठेतील हिस्सा आता २८% वर पोहोचला आहे. तर एकेकाळी बाजारावर राज्य करणाऱ्या ओला इलेक्ट्रिकचा मार्केट शेअर आता केवळ ६% उरला आहे. गेल्या वर्षीच्या २४,३३६ युनिट्सच्या तुलनेत यंदा केवळ ७,५०० युनिट्सची विक्री झाली आहे.
बजाज आणि एथर
बजाज ऑटोने चेतकच्या माध्यमातून २५,५२० युनिट्ससह दुसरे स्थान कायम ठेवले आहे, तर एथर एनर्जीने ६७% वाढीसह तिसऱ्या क्रमांकावर झेप घेतली आहे. जानेवारी २०२६ मध्ये भारतात एकूण १,२२,४७७ इलेक्ट्रिक टू-व्हीलर्सची विक्री झाली आहे. यामाहा आता या क्षेत्रात उतरणार असून या कंपनीच्या दोन स्कूटर एकाचवेळी किती कमाल दाखवितात यावर पुढील काही महिन्यांचे नंबर अवलंबून असणार आहेत.
| क्रमांक | इलेक्ट्रिक टू-व्हीलर कंपनी | जानेवारी २०२६ विक्री (Units) | वार्षिक वाढ (YoY) |
| १ | TVS Motor | ३४,४४० | + ४३% |
| २ | Bajaj Auto | २५,५२० | + १९% |
| ३ | Ather Energy | २१,९०० | + ६७% |
| ४ | Hero Vida | १२,६०८ | + ७००% |
| ५ | Ola Electric | ७,५०० | - ७०% |
Web Summary : TVS iQube sales soar, capturing 28% market share. Ola Electric's sales plummet 70%, falling to fifth place despite discounts. Bajaj and Ather rise.
Web Summary : TVS iQube की बिक्री बढ़ी, 28% बाजार हिस्सेदारी। ओला इलेक्ट्रिक की बिक्री 70% गिरी, छूट के बावजूद पांचवें स्थान पर। बजाज और एथर ऊपर।