अश्री कॉलनीत टॉवर उभारणीला ब्रेक; घरमालकांना नोटीस

बेनोडा परिसरातील श्री कॉलनीत नियमबाह्य पद्धतीने उभारले जात असलेल्या मोबाईल टॉवरचे बांधकाम थांबविले

महापौरांच्या कक्षात बैठक : अविनाश मार्डीकर, ममता आवारे यांचा पुढाकारअमरावती : बेनोडा परिसरातील श्री कॉलनीत नियमबाह्य पद्धतीने उभारले जात असलेल्या मोबाईल टॉवरचे बांधकाम थांबविले आहे. एवढेच नव्हे तर घरमालकाने बेकायदा बांधकाम केल्याप्रकरणी नोटीस बजावली आहे. यासंदर्भात सोमवारी महापौर चरणजितकौर नंदा यांच्या प्रमुख उपस्थितीत बैठक पार पडली.श्री कॉलनीत नियमबाह्यरीत्या पोलीस बंदोबस्तात उभारले जाणारे हे मोबाईल टॉवरचे बांधकाम या भागाचे नगरसेवक अविनाश मार्डीकर, ममता आवारे यांनी नागरिकांच्या सहकार्याने रविवारी बंद पाडले. मात्र, महापालिकेची कोणतीही परवानगी न घेता हे मोबाईल टॉवर उभारणाऱ्या कंपनीच्या अधिकाऱ्यांशी सोमवारी चर्चा करण्यात आली. मोबाईल टॉवर उभारणीसाठी केवळ अर्ज देऊन कालावधी पूर्ण करुन परवानगी न घेता हे टॉवर उभारले जात असल्याची बाब स्पष्ट झाली. यावेळी उपायुक्त विनायक औगड यांनी देखील वस्तुस्थिती जाणून घेताना एडीटीपी विभागाच्या अभियंत्यांना फटकारले. दरम्यान टॉवर उभारणी करणाऱ्या कंपनीचे राठोड यांना बोलावण्यात आले. कागदपत्रे तपासली तेव्हा केवळ टॉवर उभारणीचा अर्ज सादर करुन न्यायालयाच्या निर्देशानुसार मंजुरीची ही बाब पुढे करण्याचा रुबाब हा अधिकारी दाखवीत होता. टॉवरचे बांधकाम बंद पाडले तर न्यायालयाचा अवमान होईल, अशी धमकी देत असताना राष्ट्रवादी फ्रंटचे गटनेते अविनाश मार्डीकर हे टॉवर उभारणी करणाऱ्या राठोड नामक अधिकाऱ्यांवर जाम उखडले. महापालिका प्रशासनाने परवानगी दिली काय? हे उत्तर द्या, त्यानंतर कोर्टाची भाषा करा असे सुनावत त्यांना चूप केले. यावेळी नागरिकही संतापले. काहीही झाले तर हे टॉवर उभारले जाऊ देणार नाही. नगरसेविका ममता आवारे यांनी बेमुदत आंदोलनाचा इशारा दिला. श्री कॉलनीत दादाराव रुमाले यांच्या घरावर हे टॉवर उभारले जात असताना या घराचे बांधकाम नियमबाह्य असल्याची बाब एडीटीपी विभागाच्या निदर्शनास आली. त्यामुळे एडीटीपी विभागाने दादाराव रुमाले यांना मंजुरीप्रमाणे बांधकाम करण्यात आले नसल्याचा ठपका ठेवत नोटीस बजावली आहे. अतिशय आक्रमकपणे नागरिकांनी मोबाईल टॉवर उभारणीला विरोध दर्शविला. बैठकीनंतर महापौर चरणजितकौर नंदा यांनी टॉवर उभारणी करणारी कंपनी आणि घर मालकाला नोटीस बजावून कायदेशीर कारवाईचे आदेश प्रशासनाला दिलेत. यावेळी मिलींद बांबल, संदीप आवारे, लकी नंदा, हरजितसिंग बग्गा, प्रब्जोतसिंग बग्गा, उषाताई अजमिरे, श्रीराम अजमिरे, श्रीकांत पाचघरे, नितीन देशमुख, प्रतीभा अंधारे, पां.बा. अंधारे, पुरुषोत्तम धानखडे, मंगेश येवतीकर, दिली काळे, अतुल गिते आदी उपस्थित होते. (प्रतिनिधी)अभियंत्यांनी काही क्षणात बजावली नोटीसश्री कॉलनीत नियमबाह्य पद्धतीने मोबाईल टॉवर उभारणाऱ्या कंपनीला तसेच घरमालकांना काही क्षणात नोटीस बजावून कार्यतत्परता दाखविली. परवानगी न घेता प्रशासनाला दोषी ठरविणाऱ्या राठोड नामक टॉवर उभारणाऱ्या अधिकाऱ्याला नोटीस बजावून चूप केले. हेमंत महाजन, घनश्याम वाघाडे, विंचूरकर या अभियंत्यांनी नियमानुसार पुढील कारवाई केली.