बाहेरच्या पानासाठी
श्रीकृष्ण मालपे
नेरपिंगळाई : पाच वर्षांपासून ‘लिव्ह इन रिलेशनशिप’मध्ये असताना देखील ती बाहेरख्यालीपणा करत होती. दारू देखील पित होती. आपण दुर्धर व्याधीने ग्रस्त आहोत, हे माहित असतानाही ती दुसऱ्यांना आजार वाटत फिरत होती, तिला अनेकदा समजावले. मात्र ती मानायलाच तयार नव्हती. त्यामुळे संताप अनावर होऊन तिला एकदाचे संपविले, अशी खळबळजनक कबुली मणिमपूर येथील ४२ वर्षीय आरोपीने दिली आहे. त्याला शिरखेड पोलिसांनी ७ फेब्रुवारी रोजी रात्री अटक केली. त्यानंतर हा घटनाक्रम उघड झाला.
५ फेब्रुवारी रोजी रात्री ८ च्या सुमारास मोर्शी तालुक्यातील तळेगाव ते विचोरी मार्गावरील एका शेतात एका ४० वर्षीय महिलेचा मृतदेह चेहरा दगडाने ठेचलेल्या अवस्थेत आढळून आला होता. ६ फेब्रुवारी रोजी सकाळी त्या महिलेची ओळख पटविण्यात आली. त्यानंतर याप्रकरणी शिरखेड पोलिसांनी अज्ञाताविरूद्ध खून, खुनाचा पुरवा नष्ट करणे व बलात्काराचा गुन्हा दाखल केला. ती महिला तळेगाव येथे वीटभट्टीवर काम करणाºया व मनिमपूर येथील मुळ रहिवासी असलेल्या ४२ वर्षीय इसमासोबत विनालग्न राहत असल्याची माहिती पोलिसांना मिळाली. त्यानेच तिची ओळख देखील पटविली. मात्र, सुरू वातीला त्याने ‘मी तो नव्हेच’ ची भूमिका घेतली. मात्र, रविवारी एकंदरीत परिस्थितीवरून शिरखेड पोलिसांनी त्याला ताब्यात घेतले. त्याला पोलीसी हिसका दाखवताच त्याने महिला जोडिदाराच्या हत्येची कबुलीदेखील दिली. चौकशीअंती त्याला अटक करण्यात आली. तर, सोमवारी त्याला न्यायालयात उपस्थित करण्यात आले. त्याला १२ फेब्रुवारीपर्यत पोलीस कोठडी सुनावण्यात आली आहे.
दोघेही विवाहित अन् व्याधीग्रस्त
आरोपी व मृत महिला दोघेही विवाहित आहेत. मात्र, एकमेकांच्या जोडीदारांसोबत न राहता ते तळेगाव विटभट्टी परिसरात नवरा बायकोप्रमाणे राहू लागले. त्या नात्याला पाच वर्षे झालीत. मात्र तिला दारूचे व्यसन लागले. दारूसाठी पैसे नसल्याने ती अनैतिकतेकडे वळली. त्यातच दुर्धर व्याधीग्रस्त झाली. ती देखील त्या आजाराने बाधित झाला. असे असतानाही ती बाहेरख्यालीपणा करीत होती. त्यातून तिला संपविल्याची कबुली आरोपीने शिरखेड पोलिसांना दिली.
कोट
महिलेच्या हत्येप्रकरणी मनिमपूर येथील मुळ रहिवाशी असलेल्या ४२ वर्षीय आरोपीला ७ फेब्रुवारी रोजी अटक केली. आरोपीने खुनाची कबुली दिली आहे. कारण देखील सांगितले.
केशव ठाकरे,
ठाणेदार, शिरखेड पोलीस ठाणे
------------------