दि. ३० एप्रिलपर्यंत लागू करण्यात आलेल्या मिनी लॉकडाऊनला व्यावसायिकांचा विरोध असल्याने वीकेंड लॉकडाऊनबाबत शंका होती; परंतु शहरातील व्यावसायिकांनी वीकेंड लॉकडाऊनला प्रतिसाद दर्शवित दुकाने बंद ठेवली. शहरात शनिवारी आठवडी बाजार असतानाही जीवनावश्यक दुकाने वगळता इतर दुकाने बंद होती. शहरात केवळ वीटभट्टी, ट्रकवरील मजूर ये-जा करताना दिसून आले. दरम्यान, पारस प्रकल्पातील सुरक्षा रक्षकास बाळापूर पोलिसांनी मारहाण करून गंभीर जखमी केल्याची घटना घडली. याबाबत सुरक्षा युनियन बाळापूर पोलीस स्टेशनला फिर्याद देणार असल्याचे युनियन प्रमुख तायडे यांनी सांगितले. व्यापाऱ्यांनी वीकेंड लॉकडाऊनला प्रतिसाद दर्शविल्याने उपविभागीय महसूल अधिकारी डॉ. रामेश्वर पुरी, न. प. मुख्याधिकारी जी. एस. पवार यांनी व्यापाऱ्यांचे आभार मानले. (फोटो)
{{#config.logo.enabled}}
{{/allowed}}