स्वीकृत नगरसेवक निवडीचा गुंता सुटता सुटेना!

आपसात निर्णय घेण्याचे हायकोर्टाचे मनपाला निर्देश.

अकोला: स्वीकृत नगरसेवक पदाच्या निवडीत महानगर सुधार समितीमधून दोन नगरसेवकांची निवड करण्याऐवजी तत्कालीन महापौर ज्योत्स्ना गवई यांनी एकाच सदस्याची निवड केल्याप्रकरणी भाजप गटने ता हरीश आलिमचंदानी यांनी नागपूर खंडपीठात याचिका दाखल केली होती. तत्कालीन महानगर सुधार समिती तसेच अकोला विकास आघाडीची विभागीय आयुक्तांकडे अधिकृत नोंदणी नसल्याचा दाखला दे त, नागपूर खंडपीठाने या प्रकरणी आपसात निर्णय घेण्याचे निर्देश याचिकाकर्ते तसेच प्रशासनाला दिले आहेत. स्वीकृत नगरसेवक पदाच्या निवडीसाठी मनपात विशेष सभेचे आयोजन करण्यात आले होते. तत्कालीन महानगर सुधार समितीच्यावतीने गटनेता हरीश आलिमचंदानी यांनी प्रतुल हातवळणे, विजय जयपिल्ले यांची नावे सभेच्या पीठासीन अधिकारी ज्योत्स्ना गवई यांना सुचवली. महापौरांनी जयपिल्ले यांच्याऐवजी प्र तुल हातवळणे यांची निवड केली. नगरसेवकांच्या संख्याबळानुसार भाजपप्रणित महानगर सुधार समि तीमधून दोन सदस्यांची निवड होणे अपेक्षित असल्याचा दावा करीत आलिमचंदानी यांनी नागपूर खंड पीठात याचिका दाखल केली. सदर याचिकेवर २२ एप्रिल २0१५ रोजी बी.पी.धर्माधिकारी, एस.बी.शुकरे यांच्या द्विसदस्यीय खंडपीठासमोर सुनावणी झाली असता, न्यायालयाने विभागीय आयुक्तांच्या निर्णयाचा दाखला दिला. विभागीय आयुक्तांनी भाजपप्रणित महानगर सुधार समिती तसेच काँग्रेसप्रणित अकोला विकास आघाडीची अधिकृत नोंदणी नसल्याचा निर्वाळा २८ ऑगस्ट २0१२ रोजी दिला होता.