बाळापूर: मतमोजणीसाठी होणार १३ फेऱ्या
बाळापूर: तालुक्यातील ३५ ग्रामपंचायतीच्या सदस्यपदासाठी झालेल्या मतदानाची मतमोजणी सोमवारी, खामगाव नाक्याजवळील शासकीय गोदामात होणार आहे. १२ टेबल व १३ फेऱ्यांमध्ये ही मतमोजणी होणार आहे. प्रत्येक टेबलवर ३ असे ३६ कर्मचारी मतमोजणी करणार आहेत. तालुक्याच्या उत्तर भागाकडील काझीखेड या गावापासून मतमोजणी सुरु हाेणार आहे. यासाठी ८ निवडणूक अधिकारी व ८ सहाय्यक निवडणूक अधिकारी राहणार आहेत. मतमोजणी परिसरात बाळापूर व उरळ पोलीस स्टेशनचे ७ पोलीस अधिकारी, ७० पोलीस कर्मचारी व ३० होमगार्ड तैनात असणार आहेत. उपविभागीय महसूल अधिकारी डाॅ. रामेश्वर पुरी, तहसीलदार डी.एल. मुकुंदे यांच्या मार्गदर्शनात ८ निवडणूक अधिकारी मतमोजणी करुन निकाल जाहीर करणार आहेत.
-----------------------------
बार्शिटाकळी : २६ ग्रामपंचायतीसाठी मतमोजणी आज
बार्शीटाकळी : तालुक्यातील २६ ग्रामपंचायतीमध्ये १५ जानेवारी रोजी मतदान प्रक्रिया शांततेत पार पडली. सोमवार, १८ जानेवारी रोजी पंचायत समिती कार्यालयातील वसंतराव नाईक सभागृहात ही मतमोजणी होणार आहे. यासाठी पंचायत समिती परिसरात पोलिसांचा तगडा बंदोबस्त तैनात करण्यात आला आहे.
----------------