Corona Case in Akola : आणखी दोन पॉझिटिव्ह; चौघांची कोरोनावर मात
By लोकमत न्यूज नेटवर्क | Published: July 19, 2021 06:04 PM2021-07-19T18:04:03+5:302021-07-19T18:05:11+5:30
Corona Case in Akola : आणखी चौघांनी कोरोनावर मात केल्याने त्यांना डिस्चार्ज देण्यात आला.
Corona Case in Akola : आणखी दोन पॉझिटिव्ह; चौघांची कोरोनावर मात
अकोला : जिल्ह्यात कोरोना संसर्गाला ब्रेक लागला असून, सोमवार, १९ जुलै रोजी आरटीपीसीआर चाचण्यांमध्ये एक व रॅपिड अँटिजन चाचण्यांमध्ये एक अशा केवळ दोन पॉझिटिव्ह रुग्णांची नोंद झाली. दरम्यान, आणखी चौघांनी कोरोनावर मात केल्याने त्यांना डिस्चार्ज देण्यात आला.
शासकीय वैद्यकीय महाविद्यालयाच्या व्हीआरडीएल लॅबकडून रविवारी १२९ चाचणी अहवाल प्राप्त झाले. यामध्ये अकोला शहरातील एक महिला पॉझिटिव्ह आढळून आली. उर्वरित १२८ जणांचे अहवाल निगेटिव्ह आहेत. शनिवारी दिवसभरात करण्यात आलेल्या ४१४ रॅपिड चाचण्यांचे अहवाल आज प्राप्त झाले असून, यामध्ये एक जण पॉझिटिव्ह आढळून आला.
४४ ॲक्टिव्ह रुग्ण
रविवारी शासकीय वैद्यकीय महाविद्यालयातून एक, उपजिल्हा रुग्णालय मुर्तिजापूर येथील दोन, आधार हॉस्पीटल येथील एक, अशा एकूण चार जणांना डिस्चार्ज देण्यात आला.आता केवळ ४४ ॲक्टिव्ह पॉझिटिव्ह रुग्ण असून, त्यांच्यावर उपचार सुरू आहेत.
