सुपा : पारनेर तालुक्यातील सुपा येथे राष्ट्रवादी युवतीच्या जिल्हाध्यक्ष राजश्री कोठावळे यांच्या वाढदिवसनिमित्त व ‘लाेकमत रक्ताचं नातं’ या उपक्रमांतर्गत आयोजित रक्तदान शिबिराला उत्स्फूर्त प्रतिसाद मिळाला. शिबिरात ५२ जणांनी रक्तदान केले.
मंगळवारी सकाळी शिबिराचे उद्घाटन आमदार निलेश लंके, राष्ट्रवादी युवतीच्या जिल्हाध्यक्ष राजश्री कोठावळे, ‘लोकमत’चे आवृत्तीप्रमुख सुधीर लंके आदी उपस्थितीत करण्यात आले. ‘लोकमत’चे सुपा प्रतिनिधी शिवाजी पानमंद यांनी स्वागत करून रक्तदान उपक्रमाची माहिती दिली.
नीलेश लंके म्हणाले, ‘लोकमत’ नेहमीच विविध सामाजिक उपक्रम राबवत असते. आपल्या संस्कृतीत दान, देणगी देण्यास खूप महत्त्व आहे. त्यात दुसऱ्याला जीवदान देणाऱ्या रक्तदानाला तर खूपच महत्त्व आहे.
सुपा पोलीस ठाण्याचे निरीक्षक नितीनकुमार गोकावे यांनी भेट दिली. त्यांच्या हस्ते रक्तदात्यांचा सन्मान करण्यात आला. यावेळी सुप्याच्या सरपंच मनीषा रोकडे, ग्रामपंचायत सदस्या सुरेखा सचिन पवार, विजया काळे, इंदू औटी, शिवाजी येणारे, स्वाती इंगळे, मयुरी झरेकर, आनंदा कोठावळे, उद्योजक सचिन पवार, युवती राष्ट्रवादीच्या तालुकाध्यक्षा पूनम मुंगसे, ग्रामस्थ उपस्थित होते. रक्तदान मोहिमेत महिलांनी व तरुणींनी उस्फूर्तपणे सहभाग घेतला.
----
आजचे रक्तदाते..
विजया काळे, इंदू औटी, शिवाजी येणारे, स्वाती इंगळे, माया रोकडे, मनीषा रोकडे, सुरेखा पवार, गणेश होले, मयुरी झरेकर, आनंदा कोठावळे, स्वप्नील जायकर, अभिजित डोके, छाया कांबळे, पोपट दरंदले, शुभम शिंदे, विकास मोरे, शुभम गायकवाड, प्रसाद रोकडे, किरण गाडवीकर व इतर.
--------------
१४सुपा रक्तदान
सुपा येथे रक्तदान शिबिराचे उद्घाटन आमदार नीलेश लंके यांच्या हस्ते झाले. यावेळी राष्ट्रवादी युवतीच्या जिल्हाध्यक्ष राजश्री कोठावळे, ‘लाेकमत’चे सुपा प्रतिनिधी शिवाजी पानमंद, सचिन पवार, ग्रामपंचायत सदस्या सुरेख पवार, सरपंच मनीषा रोकडे व इतर.