शिरसगाव-तीळवणी उपबाजार समितीत चिखलाचे साम्राज्य

शिरसगाव : कोपरगाव कृषी उत्पन्न बाजार समितीच्या वतीने शिरसगाव-तीळवणी येथे उपबाजार समिती स्थापन करण्यात आली. या उपबाजार समितीत कोपरगाव बाजार समितीपेक्षा जास्त प्रमाणात कांद्याची आवक होत असते.

योग्य भाव, रोख पेमेंट अशा प्रकरच्या जलद सुविधेमुळे शेतकऱ्यांची पसंती उपबाजार समिती शिरसगाव-तीळवणी करत आहे. पण सात दिवसापूर्वी सलग तीन तास पाऊस पडत होता. उपबाजार समितीत लिलावाच्या जागेत गुडघ्यापर्यंत पाणी साचलेले होते. जास्त प्रमाणात गर्दी होत असल्याने गाड्या चिखलात फसत होत्या. ओपन लिलाव पद्धत असल्याने भर पावसात लिलाव होणे शक्य नसल्याने त्या ठिकाणी पत्र्याचे शेड मारण्याची गरज आहे. खाली जमिनीवर माती असल्याने चिखल होण्याचे प्रमाण जास्त आहे. तरी त्या ठिकाणी मुरूम टाकून देण्याची मागणी तेथील व्यापारी संघटनेने केली आहे.

.............

उपबाजार समितीत पावसामुळे शेतकऱ्यांचे, व्यापाऱ्याचे पावसाच्या दिवसात हाल होत आहे. लिलाव करता येत नाही. अडचणी बाजार समितीने सोडवाव्यात, यावर तोडगा काढण्यात यावा.

- राजेश मोरे, कांदा व्यापारी, शिरसगाव

.............

कोपरगाव तालुक्यात उपबाजार समिती स्थापन झाल्याने कांद्याची आवक वाढलेली दिसत आहे. लाखोंचा शेअर्स बाजार समितीस जमा होत आहे. मग तिथे शेतकऱ्यांसाठी सुख सुविधा उपलब्ध करून द्याव्यात, त्या ठिकाणी सिमेंट काँक्रीटीकरण करावे, पावसाच्या दिवसात शेतकऱ्यांना निवाऱ्याची सोय करावी. पिण्याच्या पाण्याची सोय करावी, शौचालय बांधवावे व लिलावास जागा कमी पडत असल्याने जागा वाढवावी.

- दिलीप भुजाडे, शेतकरी, आपेगाव

...................

आवारात मुरूम टाकून सोलिंग करून भक्कम करण्यात येणार आहे. दोन दिवसात कामास मंजुरी मिळणार असून पुढील दहा

दिवसात कामास सुरुवात होईल. आपण त्या जागेत नवीनच गेलो आहे. त्यामुळे कामासाठी परवानगी काढणे महत्वाचे असते. जसजशी अडचण निर्माण होईल.तसतशी सोय उपलब्ध केली जाईल.

- संभाजी रक्ताटे, सभापती कोपरगाव बाजार समिती

.............२५शिरसगाव

शिरसगाव-तीळवणी उपबाजार समितीच्या आवारात चिखलच चिखल झालेला दिसत आहे.