याप्रसंगी यावेळी चेअरमन किरण शिंगी, व्हाईस चेअरमन विनय भांड, माजी चेअरमन शैलेश मुनोत, माजी व्हाईस चेअरमन राजेंद्र गांधी, माजी नगरसेवक संजय चोपडा, प्रमोद डागा, संचालक समीर बोरा, मनोज गुंदेचा, संतोष गांधी, शैलेश गांधी, अभय पितळे, शांतीलाल गुगळे, सुवर्णा डागा, राखी मुनोत, लता कांबळे, सी. ए. विशाल गांधी, सी. ए. संकेत पोखरणा, मुख्य कार्यकारी अधिकारी प्रशांत भंडारी आदी उपस्थित होते.
यावेळी फिरोदिया म्हणाले, आताच्या काळात बँकिंग क्षेत्रात जलद, बिनचूक सेवेला महत्त्व आले आहे. स्पर्धा लक्षात घेऊन सर्वच आर्थिक संस्थांना बदल अंगीकारणे अनिवार्य बनले आहे. सहकारमहर्षी सुवालालजी गुंदेचा यांनी स्थापन केलेली जैन ओसवाल पतसंस्थेने नेहमीच असे काळानुरुप बदल केले आहेत. त्यामुळेच बँकेच्या दर्जाची सेवा देण्यात ही पतसंस्था यशस्वी झाली आहे. क्युआर कोड सारखी सेवा सुरु करुन पतसंस्थेने आधुनिकतेच्या दिशेने आणखी एक महत्त्वाचे पाउल टाकले आहे.
आदेश चंगेडिया म्हणाले, जवळपास २१ वर्षांची परंपरा असलेली ही पतसंस्था उत्कृष्ट व शिस्तबद्ध कारभारासाठी नावाजली जाते. व्यापारी, व्यावसायिक तसेच सर्वच खातेदारांना चांगली बँकिंग सेवा देण्याचा सातत्याने प्रयत्न होतो.
चेअरमन किरण शिंगी म्हणाले, चेअरमन पदाची धुरा हाती घेताच पतसंस्थेच्या आधुनिक बँकिंग सेवेचा नवा अध्याय सुरु करताना खूप आनंद होत आहे. आताच्या काळात ग्राहक कॅशलेस सारख्या सुरक्षित व्यवहारांना प्राधान्य देतात. ही बाब लक्षात घेऊन पतसंस्थेने स्टेट बँकेच्या सहकार्याने क्युआर कोड सेवेचा अवलंब केला आहे. यामुळे ग्राहकांना आपल्या मोबाईलद्वारे फंड ट्रान्सफरचे व्यवहार सहज करता येणार आहेत. व्हाईस चेअरमन विनय भांड यांनी आभार मानले. (वा. प्र.)
---------
२२ गुंदेचा फोटो
सहकारमहर्षी कै. सुवालालजी गुंदेचा जैन ओसवाल पतसंस्थेची आधुनिक बँकिंग सेवेचे उदघाटन उद्योजक नरेंद्र फिरोदिया यांच्या हस्ते झाले. समवेत पतसंस्थेचे पदाधिकारी.