आंध्र प्रदेशातील कर्नूल जिल्ह्यात एका बोलेरो गाडीची आणि रेडी-मिक्स काँक्रीट वाहून नेणाऱ्या लॉरीची समोरासमोर भीषण धडक झाली. या अपघातात ८ भाविकांचा मृत्यू झाला आहे. तर, १२ जण जखमी झाल्याची माहिती आहे. जखमींवर जवळच्या रुग्णालयात दाखल करण्यात आले असून त्यांच्यावर उपचार सुरू आहेत. हे सर्वजण देवदर्शनासाठी जात असताना हा अपघात घडल्याचे सांगण्यात आले. या अपघाताची माहिती मिळताच परिसरात एकच खळबळ माजली आहे.
नेमकी घटना काय?
हा अपघात मंत्रालयम मंडलातील चिलकलदोना गावाजवळ घडला. कर्नाटकच्या चिक्कमगलूर जिल्ह्यातील काही भाविक बोलेरो गाडीने श्री राघवेंद्र स्वामींच्या दर्शनासाठी मंत्रालयमच्या दिशेने जात होते. यावेळी चिलकलदोना गावाजवळ त्यांच्या गाडीची समोरून येणाऱ्या एका लॉरीशी जोरदार धडक झाली. या अपघात पाच जणांचा जागीच मृत्यू झाला. तर, तीन जणांचा रुग्णालयात उपचारदरम्यान मृत्यू झाला. जखमींवर येम्मिगनूर एका रुग्णालयात उपचार सुरू आहेत, अशी माहिती कर्नूल पोलिसांनी दिली.
पोलीस तपास सुरू
घटनेची माहिती मिळताच स्थानिक पोलीस तातडीने घटनास्थळी दाखल झाले आणि स्थानिकांच्या मदतीने बचावकार्य सुरू केले. मृतांची ओळख पटली असून ते सर्वजण कर्नाटक राज्यातील चिक्कमगलूर भागातील रहिवासी असल्याची माहिती समोर आली. पोलिसांनी या प्रकरणी गुन्हा दाखल केला असून अपघाताचे नेमके कारण शोधण्यासाठी तपास सुरू केला आहे.
परिवहन मंत्र्यांनी व्यक्त केला शोक
आंध्र प्रदेशचे परिवहन मंत्री मंदीपल्ली रामप्रसाद रेड्डी यांनी या घटनेबद्दल तीव्र दुःख व्यक्त केले. त्यांनी मृत भाविकांच्या कुटुंबीयांप्रती आपल्या संवेदना व्यक्त केल्या असून, जखमींना योग्य आणि सर्वोत्तम वैद्यकीय उपचार मिळावेत, असे निर्देश प्रशासकीय अधिकाऱ्यांना दिले.
Web Summary : A collision in Andhra Pradesh's Kurnool district between a Bolero and a concrete mixer claimed eight lives and injured twelve pilgrims en route to a shrine. The accident occurred near Chilakaladona village. Police are investigating.
Web Summary : आंध्र प्रदेश के कुरनूल जिले में बोलेरो और कंक्रीट मिक्सर की टक्कर में आठ तीर्थयात्रियों की मौत हो गई और बारह घायल हो गए। दुर्घटना चिलकलदोना गांव के पास हुई। पुलिस जांच कर रही है।