श्रीरामपूर : आर्थिक स्वावलंबन व साक्षरता काळाची गरज असून, त्यासाठी शेअर मार्केट ही एक चांगली संधी आहे. शेअर मार्केटमध्ये अभ्यासपूर्ण गुंंतवणूक केल्यास आर्थिक फायदा होऊन आत्मनिर्भर होता येेते, अशी माहिती रयतच्या मॅनेजिंग कौन्सिल सदस्य मीनाताई जगधने यांनी दिली.
रयत शिक्षण संस्थेच्या चंद्ररुप डाकले जैन वाणिज्य महाविद्यालयात शेअर मार्केटवर तीन दिवसीय ऑनलाइन कार्यशाळा आयोजित करण्यात आली. त्याच्या उद्घाटन प्रसंगी जगधने बोलत होत्या. याप्रसंगी शेअर मार्केटतज्ज्ञ संजय दरेकर, प्राचार्य डॉ. नानासाहेब गायकवाड, प्राचार्य डॉ. मुकुंद पोंधे, प्रभारी प्राचार्य डॉ. सुहास निंबाळकर, समन्वयक प्रा. विवेक मोरे उपस्थित होते. याप्रसंगी महाविद्यालयात शेअर मार्केटच्या अत्याधुनिक लॅबचे उद्घाटन मान्यवरांच्या हस्ते करण्यात आले. संजय दरेकर यांनी शेअर मार्केटचे मूलभूत ज्ञान आत्मसात करून दीर्घकालीन गुंतवणूक करण्याचे आवाहन केले. प्रास्तविक प्रा.विवेक मोरे यांनी केले. पाहुण्यांचा परिचय प्राचार्य डॉ. निंबाळकर यांनी करून दिला. सूत्रसंचालन डॉ. बापूसाहेब घोडके यांनी केले तर आभार प्रा. कैलास दातीर यांनी मानले.
------