बालोटे यांचे घर व जनावरांचा गोठा असून, मंगळवारी मध्यरात्री बालोटे कुटुंब गाढ झोपेत असताना ३ वाजताच्या सुमारास शिकारीच्या शोधात असलेल्या बिबट्याने बंदीस्त गोठ्यात ९ फूट जाळीवरून उडी मारत प्रवेश केला. यावेळी गोठ्यात बाधलेल्या कालवडीवर हल्ला करत बिबट्याने कालवड ठार केली. त्यामुळे गोठ्यातील इतर जनावरांनी आरडाओरड करण्यास सुरुवात केल्याने बालोटे यांनी गोठ्याकडे धाव घेऊन मोठ्या धाडसाने बिबट्याला हुसकावून लावले.
सकाळी बालोटे यांनी वन विभागाला हल्ल्याची माहिती दिली. माहिती मिळताच वनपाल पी. जे. पुंड, बाळासाहेब डेंगळे आदींनी घटनास्थळी दाखल होत घडलेल्या घटनेचा पंचनामा केला असून, पशुवैद्यकीय अधिकारी डॉ. शिंदे यांनी पंचनामा केला.
शेतकऱ्याच्या पशुधनावर हल्ले करून दहशत निर्माण करणारा बिबट्या वन विभागाने तत्काळ जेरबंद करावा, अशी मागणी ज्येष्ठ नेते विनायकराव बालोटे, भगवानराव इलग, प्रभाकर निघुते, हरिभाऊ ताजणे, दत्तु सांगळे, भाऊसाहेब ताजणे, महेश बालोटे, संतोष बालोटे, अनिस शेख, गणेश मुनमुने आदींसह परिसरातील शेतकऱ्यांनी केली आहे.