छत्रपती शाहू महाराजांचे वडील छत्रपती चौथे शिवाजी महाराजांचे नगरमध्ये स्मारक असून त्याच्या नूतनीकरणाच्या कामाला प्रत्यक्ष सुरूवात करत शाहू महाराज आणि आरक्षणाच्या घोषणेच्या स्मृती जागवण्यात आल्या. यावेळी आमदार संग्राम जगताप, उपमहापौर गणेश भोसले, स्थायी समितीचे माजी सभापती सचिन जाधव, नगरसेवक विनीत पाऊलबुद्धे , अजिंक्य बोरकर, डॉ. प्रशांत पटारे, डॉ. सतीश सोनावणे, राष्ट्रवादी विद्यार्थी काँग्रेसचे जिल्हाध्यक्ष गजानन भांडवलकर, आबासाहेब सोनावणे, रामकृष्ण कर्डिले, शहर अभियंता सुरेश इथापे, जिजाऊ ब्रिगेडच्या जिल्हाध्यक्ष संपूर्णा सावंत, सुरेखा कडूस, डॉ. अविनाश मोरे, रिनूल नागवडे, इतिहास प्रेमी अभिजित दरेकर, विनीत गाडे, यशवंत तोडमल, धिरज कुमटकर, ऋषिकेश दुसंगे, विकी रोहोकले, सुरज भोर, सागर कराळे, महेश भोर, शुभम आठरे यावेळी उपस्थित होते. कार्यक्रमादरम्यान जे. जे. स्कूल ऑफ आर्ट्सचा गुणवंत विद्यार्थी चित्रकार प्रदीप पवार यांचे लाईव्ह पेंटिंग सर्वांच्या चर्चेचा विषय ठरला.
सूत्रसंचालन संघटनेचे अध्यक्ष यशवंत तोडमल यांनी केले. आमदार जगताप यांच्या स्थानिक विकास निधीतून सुशोभीकरणाचे काम होत असल्याचे त्यांनी सांगितले. तसेच सुशोभीकरण सोबतच या स्मारकाला सुंदर कमान असावी, अशी संकल्पना ही त्यांनी मांडली. याला उपस्थितांनी सहमती दर्शवत अन्य कोणा यंत्रणेकडून हे काम होणार नसेल तर लोकवर्गणीतून ती करू, अशी भूमिका उपमहापौर भोसले यांनी मांडली.
आमदार जगताप यांनी संघटना आणि समिती तर्फे सुरू असलेल्या कामाचे कौतुक केले. शहरात अनेक ऐतिहासिक महत्व असलेल्या वास्तू आणि ठिकाणे आहेत. त्याचा पर्यटनदृष्ट्या विकास होण्याची गरज असल्याचे जगताप म्हणाले. डॉ. अविनाश मोरे यांनी आभार मानले.
----------
फोटो -२६शाहू महाराज
छत्रपती चौथे शिवाजी महाराजांच्या स्मारक सुशोभीकरण कामाचा शुभारंभ करताना आमदार संग्राम जगताप.