ही आहेत ख्रिसमस सेलिब्रेट करण्यासाठी भारतातील सर्वोत्तम ठिकाणे

येशू ख्रिस्तांचा जन्मदिवस असलेला नाताळाचा सण काही दिवसांवर आला आहे. जगभरात नाताळाची तयारी जोरात सुरू आहे. भारतातही ही दहा ठिकाणे ख्रिसमस सेलिब्रेट करण्यासाठी उत्तम आहेत.

दमण - वर्षभर शांत असणारा दमण दिवचा परिसर नाताळाच्या काळात गजबजून जातो. येथील पोर्तुगिज डान्स पर्यटकांना आकर्षित करतो. तसेच दमणमधील चर्च ऑफ बोम जिझस प्रेक्षणीय आहे.

गोवा - नाताळाचा सण पाहावा तर गोव्यामध्ये. गोव्यातील बीच, पार्टी आणि ख्रिसमसचे सेलिब्रेशन प्रसिद्ध आहे.

गुजरात - गुजरातमध्येही ख्रिसमसदरम्यान विविध सांस्कृतिक कार्यक्रम आयोजित होतात. विशेषत: येथील दीव-दमणच्या किनाऱ्यांवर होणाऱ्या पार्ट्यांची रंगत काही औरच असते.

केरळ - केरळमध्ये अनेक प्राचीन चर्च असून, येथे साजरा होणारा नाताळाचा सण प्रेक्षणीय असतो.

कोची - कमी खर्चात ख्रिसमसचा आनंद घ्यायचा असेल तर कोची हा तुमच्यासाठी उत्तम पर्याय आहे. येथील रोषणाई आणि लोकगीत तुमच्या ख्रिसमस पार्टीला अविस्मरणीय बनवतात.

कोलकाता - ख्रिसमसदरम्यान कोलकातामध्ये विशिष्ट्य गेम्स, स्वादिष्ट भोजन, लष्करी बँड प्रदर्शन आणि नाटकांचे आयोजन केले जाते. तसेच नाताळावेळी पार्क स्ट्रीट, सेंट पॉल चर्च येथे करण्यात येणारी रोषणाई प्रेक्षणीय असते.

मुंबई - बहुसांस्कृतिक शहर अशी ओळख असलेल्या मुंबईमध्येही नाताळ उत्साहात साजरा होतो. इथे रात्रीच्या वेळी तुम्ही ख्रिसमस पार्टीचा आनंद घेऊ शकता.

पाँडिचेरी - पाँडिचेरी येथील सुंदर समुद्र किनारे ख्रिसमस पार्टींसाठी उत्तम पर्याय आहेत. येथे तुम्ही ख्रिसमस आणि नववर्षाचे चांगल्या प्रकारे सेलिब्रेशन करू शकता.

शिलाँग - हिल स्टेशनवर ख्रिसमस सेलिब्रेट करायचा असेल तर शिलाँग हा उत्तम पर्याय आहे. येथे ख्रिसमस मोठ्या उत्साहात साजरा केला जातो.

शिमला - येथील गुलाबी थंडी आणि बर्फाच्छादित पर्वत रांगांमध्ये ख्रिसमस सेलिब्रेट करायची मजा काही औरच आहे. येथील जुन्या कॅथेड्रल चर्चमध्ये तुम्ही ख्रिसमसचा आनंद घेऊ शकता.