नेर नगरपरिषद क्षेत्रात सोमवारपासून पाच दिवसांचा ‘जनता कर्फ्यू’ लागू

नाशिक येथील ट्रकचालक खताची पोती घेऊन नेर आणि मांगलादेवी येथे आला होता. प्रकृती बिघडल्याने तो नेरमध्ये थांबला. त्याच रात्री त्याचा मृत्यू झाला. मृत्यूनंतर विविध प्रकारच्या चाचण्या केल्यानंतर तो कोरोना पॉझिटिव्ह निघाला. यानंतर शुक्रवारी नेर येथील तेलीपुरा भागातील एका ८३ वर्षीय वृद्धाचा कोरोनाच्या प्रादुर्भावाने मृत्यू झाला.

ठळक मुद्देकोरोनाचा दुसरा बळी । प्रशासनाची सावध भूमिका, व्यापारीही सकारात्मक

लोकमत न्यूज नेटवर्कनेर : लॉकडाऊन शिथील झाल्यानंतर शहरातील जनजीवन पूर्वपदावर येत असतानाच कोरोनाचा दुसरा बळी गेला. परिणामी जनजीवन पुन्हा विस्कळीत होण्याची चिन्हे दिसू लागली आहे. सोमवार, १५ जूनपासून पाच दिवस जनता कर्फ्यू पाळला जाणार आहे. या काळात अत्यावश्यक सेवा वगळता कुणालाही बाहेर पडता येणार नाही. दरम्यान, तालुका प्रशासनाची चिंता वाढली आहे.नाशिक येथील ट्रकचालक खताची पोती घेऊन नेर आणि मांगलादेवी येथे आला होता. प्रकृती बिघडल्याने तो नेरमध्ये थांबला. त्याच रात्री त्याचा मृत्यू झाला. मृत्यूनंतर विविध प्रकारच्या चाचण्या केल्यानंतर तो कोरोना पॉझिटिव्ह निघाला. यानंतर शुक्रवारी नेर येथील तेलीपुरा भागातील एका ८३ वर्षीय वृद्धाचा कोरोनाच्या प्रादुर्भावाने मृत्यू झाला.दोन बळींसह आठ पॉझिटिव्ह आढळल्याने कोरोनावर नियंत्रणासाठी प्रशासनाकडून कठोर उपाययोजना केल्या जात आहे. मागील काही दिवसात शहरातील बाजारपेठ प्रशासनाने ठरवून दिलेल्या वेळात सुरळीत सुरू होती. सर्वीकडे रेलचेल वाढली. शेतीच्या कामाला वेग आल्याने विविध साहित्याची खरेदी करण्यासाठी शेतकरी शहरात धाव घेऊ लागले. आता पुन्हा जनता कर्फ्यू पाळला जाणार आहे.नागरिकांनी लॉकडाऊनचे नियम पाळावे यासाठी प्रशासनाकडून आवाहन केले जात आहे. यापूर्वीच्या संचारबंदी काळात नियम तोडणाऱ्यांवर कारवाई करण्यात आली. मास्कचा वापर टाळणे, थुंकणे, गरज नसताना बाहेर फिरणे आदी प्रकार करणाऱ्यांना दंड झालेला आहे. दरम्यान, आनंदवाडी आणि तेलीपुरा परिसर सील करण्यात आला आहे. आरोग्य विभागाची ९० जणांची चमू परिसरातील नागरिकांची तपासणी करत आहे. तहसीलदार अमोल पोवार, नगरपरिषदेचे मुख्याधिकारी नीलेश जाधव, आरोग्य अधिकारी डॉ. रवींद्र दुर्गे, ठाणेदार प्रशांत मसराम, योगेश इंगळे, विस्तार अधिकारी अशोक राऊत आदी परिस्थितीवर नियंत्रण ठेऊन आहेत.आनंदवाडीतील आठ जण कोविड सेंटरमध्येनेर येथील आनंदवाडी परिसरातील एक महिला कोरोना पॉझिटिव्ह आढळली. तिच्या संपर्कातील आठ जणांना कोविड सेंटरमध्ये पाठविण्यात आले आहे. तेलीपुरा परिसरात आढळलेल्या एका हार्डवेअर दुकानातील दिवाणजीच्या संपर्कात आलेल्या १९ जणांची कोविड सेंटरमध्ये रवानगी करण्यात आली. यातील ८३ वर्षीय वृद्धाचा मृत्यू झाला आहे. दरम्यान, पाथ्रड(गोळे) येथे कोरोना पॉझिटिव्ह वृद्ध आढळल्याने तहसीलदारांनी तेथील पाहणी केली.