मालेगांव :- शहरातील विघ्नहर्ता गणेश मंडळाच्या सदस्यांनी गणेश चतुर्थीच्या शुभमुहूर्तावर मालेगाव शहरात विघ्नहर्ता फाउंडेशनमार्फत गरीब आणि होतकरू विद्यार्थ्यांकरिता अभ्यासिका सुरू केली आहे. शहरातील हा पहिलाच प्रयोग असल्याने या उपक्रमाचे सर्वत्र कौतुक केले जात आहे.
मालेगाव शहर हे तालुक्याचे ठिकाण आहे; मात्र परिसरातील गरीब आणि होतकरू विद्यार्थ्यांना अभ्यास करण्यासाठी निवांत अशी जागा मिळत नव्हती. विद्यार्थ्यांची ही अडचण लक्षात घेऊन शहरातील गांधी चौक येथील विघनहर्ता कॉम्प्लेक्समध्ये विघ्नहर्ता फाऊंडेशनने एकाच वेळेस पन्नास विद्यार्थी दिवस-रात्र अभ्यास करू शकतील असा सुसज्ज हॉल तयार केला असून, त्यामध्ये मोफत पुस्तकेसुद्धा विद्यार्थ्यांना पुरविली आहे. या अभ्यासिकेचे उद्घाटन मालेगाव तहसीलदार रवी काळे यांनी केले. प्रमुख उपस्थिती म्हणून जि. प. सदस्य श्याम बडे, प्रमुख उपस्थिती नगरसेवक संतोष जोशी, प्रा. जिया, संतोष तिखे, अरुण बळी, आदी मान्यवर होते. तहसीलदार काळे यांनी अभ्यासिकेचे महत्त्व विशद करून ही एक संधी आहे, याचा विद्यार्थ्यांनी लाभ घ्यावा असे सांगितले. शिवाजी बळी यांनी प्रास्ताविक केले, नवीन अवचार यांनी सूत्रसंचलान केले, तर पंकज भुतेकर यांनी आभार मानले.
100921\img-20210910-wa0046.jpg
काळे साहेब