परिसरातील काही शेतकऱ्यांकडे मोबाइलचं नाहीत, तर शेतकऱ्यांनी पेरा ऑनलाइन करण्याचा प्रश्न पडला आहे. महाराष्ट्र सरकारने यावर्षी ई-पीक पाहणी ॲप सुरू केले आहे. महसूल विभाग आणि कृषी विभागाच्या वतीने ई-पीक पाहणी हा संयुक्त प्रकल्प राबवण्यात येत आहे. माझी शेती, माझा सातबारा, माझा पिकपेरा या घोषवाक्याचा आधारे शासनाने सुरू केलेल्या पीक पाहणी करण्याचा राज्यातील वाशिम जिल्ह्यांमध्ये पीक पाहणी ॲपला शेतकऱ्यांचा प्रतिसाद कमी मिळत आहे, तर काही ठिकाणी महसूल प्रशासनाला पीक पाहणी ॲपचा वापर करावा यासाठी शेतकऱ्यांमध्ये जनजागृती करून सुद्धा शेतकऱ्यांना कळेना झाले आहे.
ई-पीक पाहणी नोंदवण्यास चार दिवस बाकी असून, ई-पीक पाहणी ॲपद्वारे नोंदवण्यास शेतकऱ्यांना एक महिन्याची मुदत देण्यात आली होती. पीक पाहणी ॲपमधून नोंदणीची मुदत १५ सप्टेंबरपर्यंत आहे. सातबारा उताऱ्यावर ऑनलाइन पद्धतीने खरीप हंगामातील पिकाच्या नोंदणीला अवघे चार दिवस शिल्लक राहिले आहेत.
----------------------------------------
माझ्याकडे साधा मोबाइल आहे मी असुशिक्षित असल्याने माझे पीक पेरे ऑनलाइन करायचे राहून गेले माझ्यासारखे खूप शेतकरी आहेत. आम्हाला साधी सही करत येत नाही आम्ही काय करणार ऑनलाइन.
-नारायण अर्जुना शिंदे, शेतकरी, दगडउमरा
आम्हाला ई-पीक पेराच म्हणजे काय कळाला नाही, तर आम्ही ऑनलाइन काय करायचं शासनाची चुकीची ही पद्धत आहे.
मोकिंदा धनगर, शेतकरी, पार्डी-आसरा
----------------------------------------