उकळीपेन प्राथमिक आरोग्य उपकेंद्रात आरोग्य निदान शिबिर

या शिबिरात थॅलेसिमिया, सिकलसेल, गरोदर महिला, बाल आरोग्य तपासणी, रक्तपासणी, शुगर तपासणी, एचआयव्ही आदी आजारांची उपस्थित डॉक्टरांनी तपासणी केली. तसेच कोरोना लसीकरण करून आवश्यक ते उपचार केले. गरोदर माता व बालकांच्या पोषण आहार व गरोदरपणात घ्यावयाची काळजी याबाबत सखोल मार्गदर्शन केले. एमओ डॉ. श्यामला सुळे यांनी या शिबिराचे आयोजन केले होते. या शिबिरात स्त्रीरोगतज्ज्ञ शेख, बालरोगतज्ज्ञ डॉ. वानखेडे, डॉ. कपिल सुर्वे, औषधी अधिकारी पांडे, नॉल्ड हॉस्पिटलचे सुषमा मानमोठे, वीणा गायकवाड, डॉ. जॉन केच्चर, अरुण आनंदे, मनीष हिरडे, आरोग्य सहाय्यक टाले, गिते, नप्ते, धोंगडे, ग्रामीण रुग्णालयाचे कांबळे, गंगावणे, अंगणवाडी सेविका चव्हाण, दुकानदार, पेचकलवार आदींनी आपली रुग्णसेवा दिली. यावेळी भाजप जिल्हा उपाध्यक्ष धनंजय हेंद्रे, माजी तालुकाध्यक्ष शरद चव्हाण, सरपंच अन्नपूर्णा भोयनवाड, उपसरपंच बबन जैताडे आदींनी भेटी दिल्या. सदर शिबिराच्या यशस्वीतेसाठी समाजसेवक दत्ता सुरदुसे, वैशाली भिसे, शंकर जैताडे, विजय चव्हाण, महादेव भिसे, महादेव राऊत, मनोज पवार, दिनेश गांजरे, नारायण मधुरवाड, जयराम भोयर आदींनी परिश्रम घेतले. या शिबिरात जवळपास २०० जणांनी थायराॅईड तपासणी केली. यावेळी उपस्थित डॉक्टर मंडळींनी रुग्णांना आवश्यक गोळ्या व इतर औषधी वाटप केली. शिबिरानंतर उपस्थित मान्यवरांनी उकळीपेन प्रा. आ. केंद्रात वृक्षारोपण केले. यावेळी वैशाली भिसे यांनी डॉक्टरांना भोजनाची व्यवस्था केली. या शिबिराबाबत पंचक्रोशीतील नागरिकांनी समाधान व्यक्त केले.