फलकाअभावी चालकांची दिशाभूल
वाशिम: कारपा ते मानोरा मार्गाला जोडणाऱ्या आसोला खु. फाट्यावर दिशादर्शक फलक नाही. त्यामुळे या मार्गाने मानोरा किंवा शेंदुरजना आढावकडे जाणाऱ्या नव्या चालकांत संभ्रम निर्माण हाेत आहे.
लाभार्थींची नावे शिधापत्रिकेत समाविष्ट
वाशिम : तालुक्यातील ११५ लाभार्थींची नावे शिधापत्रिकांमध्ये नव्याने समाविष्ट करण्यात आली असून, ७९ जणांची नावे वगळण्याची कार्यवाही करण्यात आली आहे.
रिक्त पदे तत्काळ भरण्याची मागणी
वाशिम : जिल्ह्याच्या कृषी विभागात महत्त्वाची अनेक पदे रिक्त आहेत. त्यामुळे शेतकऱ्यांची कामे होण्यास विलंब लागत आहे. कर्मचाऱ्यांची रिक्त पदे भरण्याची मागणी शेतकरी रवि भुतेकर यांनी केली.
अपघातात वाहनाचे नुकसान
शिरपूर : खासगी बस व मेहकरकडे जाणाऱ्या सिमेंट केमिकल टँकरची पिंप्री सरहद गावाजवळ धडक होऊन अपघात घडला. यामध्ये वाहनाचे नुकसान झालेे.