विद्यापीठ घेणार विदर्भातील समस्यांचा वेध

महात्मा गांधी आंतरराष्ट्रीय हिंदी विद्यापीठ नवी भरारी घेण्यासाठी सज्ज झाले असन आगामी काळात विद्यापीठात सामुदायिक रेडियो, सामुदायिक महाविद्यालय आणि अँकेडमिक स्टॉफ कॉलेज सुरू करणार

हिंदी विद्यापीठात पत्रकार परिषद : गिरिश्‍वर मिश्र यांची माहितीवर्धा :  महात्मा गांधी आंतरराष्ट्रीय हिंदी विद्यापीठ नवी भरारी घेण्यासाठी सज्ज झाले असन आगामी काळात विद्यापीठात सामुदायिक रेडियो, सामुदायिक महाविद्यालय आणि अँकेडमिक स्टॉफ कॉलेज सुरू करणार असल्याची माहिती विद्यापीठाचे नवे कुलगुरू प्रा. गिरीश्‍वर मिश्र यांनी मंगळवारी विद्यापीठात आयोजित पत्रकार परिषदेत दिली. अनेक प्रकारचे लोकाभिमुख कार्यक्रम, उपक्रम आणि योजना सुरू करून हे विद्यापीठ वर्धा आणि विदर्भातील समस्यांचा वेध घेत कौशल्यावर आधारित नवे अभ्यासक्रमही सुरू करणार असल्याचेही त्यांनी पत्रकार परिषदेला कुलसचिव प्रा. देवराज, विद्यार्थी कल्याण अधिष्ठाता प्रा. अनिल कुमार राय, जनसंपर्क अधिकारी बी. एस. मिरगे उपस्थित होते.विद्यापीठाचे चवथे कुलगुरू म्हणून कार्यभार ग्रहण केल्यानंतर ते प्रथमच पत्रकारांशी वार्तालाप करीत होते. विद्यापीठातील अभ्यासक्रम, उपक्रम आणि कार्यक्रमाविषयी माहिती देताना ते म्हणाले की परिसरातील समाजाच्या गरजा लक्षात घेवून आम्ही नवनवे अभ्यासक्रम सुरू केले आहेत. अभ्यासक्रम कसे असावेत हे ठरविण्यासाठी नुकतीच वर्धेतील प्राचार्यांसोबत एक बैठक घेण्यात आली असेही ते म्हणाले. सामुदायिक महाविद्यालय, सामुदायिक रेडिओ तथा अकादमिक स्टाफ कॉलेज सारख्या संकल्पना लवकर प्रत्यक्षात येतील असे सांगून प्रो. मिश्र म्हणाले , लोकाभिमुख योजना आणि रोजगारप्रधान अभ्यासक्रमाच्या दिशेने विद्यापीठ तत्पततेने पावले उचलत आहे. केवळ हिंदीच नव्हे तर इतर भारतीय भाषांसोबत परस्पर संवाद कायम करण्याच्या दिशेने विविध प्रकारच्या कार्यशाळा आयोजित करण्यात येणार आहे. वर्धा संस्कार हा कार्यक्रम कलात्मक अभिरूचीला प्रोत्साहन देण्यासाठी हाती घेण्यात येणार आहे. या कार्यक्रमातून वर्धेतील कला, संस्कृती आणि लोककलावंतांना व्यासपीठ मिळेल. तसेच महात्मा गांधी, डॉ. बाबासाहेब आंबेडकर, राममनोहर लोहिया, आचार्य विनोबा भावे यांसारख्या व्यक्तींवर  सार्वजनिक व्याख्यानांचे आयोजन वर्षभर करण्यात येणार आहे. यात वर्धेतील महाविद्यालये, विविध सामाजिक आणि शैक्षणिक संस्था यांच्या सहभाग वाढविण्यावर भर देण्यात येईल असेही ते  ते म्हणाले. विद्यापीठाच्या वतीने विदर्भ आणि वर्धा परिक्षेत्रातील विविध समस्यांवर सातत्याने सर्वेक्षण करण्यात येत असून त्यातील निष्कर्षाच्या आधारे कार्यक्रम राबविण्यात येणार आहेत. ऑक्सफोर्डच्या धर्तीवर वर्धा हिंदी शब्दकोश तयार करण्यात आला असून केवळ भाषा आणि साहित्यच नव्हे तर तज्ञांच्या क्षेत्रात विद्यापीठाने नवे प्रतिमान स्थापित केले आहे. हिंदीचा पहिला स्पेल चेकर तयार करण्याचा मानही विद्यापीठाला मिळाल्याचे त्यांनी सांगितले.(शहर प्रतिनिधी)