उल्हासनगर: शहरातील लालचक्की चौकात शुक्रवारी १२ वाजण्याच्या दरम्यान भाई बनता है क्या? यावरून राडा होऊन इम्युनूएल विल्यम यांच्या कारसह अन्य कार व दुचाकींचा तोडफोड केल्याचा प्रकार घडला. याप्रकरणी विठ्ठलवाडी पोलीस ठाण्यात शुभम यादव व पक्या भाऊ यांच्या विरोधात गुन्हा दाखल झाला आहे.
उल्हासनगर कॅम्प नं-४, लालचक्की चौकात इम्युनूएल विल्यम हे मित्रांसह उभे होते. त्यावेळी पक्या भाऊ याचा फोन येऊन खुद्द को भाई समजता है क्या, मुझे मारनेकीं धमकी देत है क्या? असे बोलून थांब मैं आ राहा हुं. असे बोलून काही वेळात दोघे लालचक्की चौकात आले. त्यांनी विल्यम यांच्या कारची तोडफोड करून अन्य कार व दुकजकीची तोडफोड केली. तसेच विल्यम व त्याच्या मित्राला मारहाण केली. याप्रकरणी विठ्ठलवाडी पोलीस ठाण्यात यादव व पक्या भाऊ यांच्यावर गुन्हा दाखल झाला असून पोलीस अधिक तपास करीत आहेत.