मंगला एक्स्प्रेसच्या इंजिनात टिटवाळा स्थानकात बिघाड झाल्याने लांबपल्यांच्या गाड्यांचा खोळंबा

By लोकमत न्यूज नेटवर्क | Published: August 23, 2019 06:21 PM2019-08-23T18:21:39+5:302019-08-23T18:32:49+5:30

एरणाकुलम येथून निजामुद्दीनकडे जाणारी मंगला एक्सप्रेस मेलच्या इंजिनमध्ये टिटवाळा स्थानकात तांत्रिक बिघाड झाल्याने टिटवाळा, आसनगाव, कसारा या अपडाउन मार्गावरची रेल्वेसेवा पूर्णत: विस्कळीत झाली आहे.

Mangala Express locomotives delay derailment at Titwala station | मंगला एक्स्प्रेसच्या इंजिनात टिटवाळा स्थानकात बिघाड झाल्याने लांबपल्यांच्या गाड्यांचा खोळंबा

मंगला एक्स्प्रेसच्या इंजिनात टिटवाळा स्थानकात बिघाड झाल्याने लांबपल्यांच्या गाड्यांचा खोळंबा

Next

टिटवाळा-: एरणाकुलम येथून निजामुद्दीनकडे जाणारी मंगला एक्सप्रेस मेलच्या इंजिनमध्ये टिटवाळा स्थानकात तांत्रिक बिघाड झाल्याने टिटवाळा, आसनगाव, कसारा या अपडाउन मार्गावरची रेल्वेसेवा पूर्णत: विस्कळीत झाली आहे. याच मार्गावरील लांब पल्ल्याच्या गाड्या थांबविण्यात आले आहेत. त्यामुळे कल्याण-कसारा या रेल्वे मार्गावर टिटवाळा, आंबिवली व  शहाड रेल्वे स्थानक दरम्यान रेल्वे गाड्यांच्या रांगा लागल्या होत्या.

टिटवाळा स्थानकात  दुपारी २:१५ वा. आलेल्या मंगला एक्सप्रेस या लांब पल्ल्याच्या एरणाकुलमवरुन निजामुद्दीनकडुन जाणाऱ्या  रेल्वे गाडीच्या इंजिनमध्ये अचानक तांत्रीक बिघाड झाल्याने  कल्याण- कसारा मार्गावरील लोकल व लांब पल्ल्याच्या रेल्वे गाड्यांची वाहतूक सुमारे दोन तास ठप्प झाली होती. दरम्यान दुपारी १:५०  कसारा लोकल देखील रद्द करण्यात आली.

यानंतर मागोमाग येणाऱ्या सर्वच गाड्यांचे वेळापत्रक कोलमडल्याने प्रवासी वर्गाचे मोठ्या प्रमाणात हाल झाले. दरम्यान खडवली स्थानका वरुन इंजिन मागविण्यात आले, त्यांनंतर ३:४५ वाजता रेल्वे सेवा पूर्ववत झाली असल्याचे रेल्वे प्रशासनाकडून सांगण्यात आले.

 

Web Title: Mangala Express locomotives delay derailment at Titwala station

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.