मीरा भाईंदर मध्ये मुलींची १२ वीत बाजी 

HSC Exam Result: १२ वी परिक्षेच्या मंगळवारी जारी झालेल्या निकालात मीरा भाईंदर मध्ये मुलींनीच बाजी मारली आहे .  ९३.४९ टक्के इतका शहराचा निकाल लागला आहे . 

 मीरारोड - १२ वी परिक्षेच्या मंगळवारी जारी झालेल्या निकालात मीरा भाईंदर मध्ये मुलींनीच बाजी मारली आहे .  ९३.४९ टक्के इतका शहराचा निकाल लागला आहे . महाराष्ट्र राज्य माध्यमिक व उच्च माध्यमिक मंडळाच्या वतीने घेण्यात आलेल्या १२ विच्या परीक्षेसाठी मीरा भाईंदर मधून  एकूण ७ हजार ९९४  विद्यार्थ्यांनी अर्ज भरले होते . त्यात ४ हजार १९३ मुले व ३ हजार ८०१ मुली परीक्षार्थी होत्या. प्रत्यक्षात १२ विच्या परिक्षेत ४ हजार १७८ मुल व ३ हजार ७८७ मुली अश्या एकूण ७ हजार ९६५ विद्यार्थ्यांनी परीक्षा दिली होती.

मंगळवारी परीक्षेचा निकाल लागला असता त्यात ७ हजार ४४७ मधील विद्यार्थी  उत्तीर्ण झाले असून निकालाची एकूण टक्केवारी ९३.४९ टक्के इतकी आहे .  त्यातील उत्तीर्ण मुलांची टक्केवारी ९१.९८ टक्के तर उत्तीर्ण मुलींची टक्केवारी ९५.१६ टक्के इतकी आहे . ३ हजार ८४३ मुलं तर ३ हजार ६०८ मुली उत्तीर्ण झाल्या आहेत .