ICC T20 World Cup 2024 IND vs CANADA Live Scorecard - भारत-कॅनडा यांच्यातला ट्वेंटी-२० वर्ल्ड कप स्पर्धेतील सामना पावसामुळे रद्द करावा लागला आहे. त्यामुळे दोन्ही संघाना प्रत्येकी १-१ गुण दिले गेले आणि टीम इंडिया ७ गुणांसह सुपर ८ मध्ये पोहोचली. कॅनडाने ४ सामन्यांत ३ गुणांसह स्पर्धेचा निरोप घेतला.
अ गटात अव्वल स्थान पटकावल्यानंतर
भारतीय संघ आज कॅनडाविरुद्ध खेळेल. फ्लोरिडा येथे हा सामना होणार आहे आणि इथे काल अमेरिका व आयर्लंड यांच्यातला सामना पावसामुळे रद्द करावा लागला होता. त्यामुळे पाकिस्तानचे स्पर्धेतील पॅक अप निश्चित झाले. आजही भारत-कॅनडा लढतीवर पावसाचे सावट आहे. सायंकाळी ७ वाजेपर्यंत खेळपट्टीवरील कव्हर्स काढले गेले नव्हते, परंतु पाऊसाने विश्रांती घेतली होती. ८ वाजता खेळपट्टीची पुन्हा पाहणी केली जाणार असल्याने नाणेफेकीला विलंब झाला. सामनाधिकारी व अम्पायर यांनी मैदानाची पाहणी केल्यानंतर नापसंती दर्शवली आणि ९ वाजता पुन्हा पाहणी केली गेली आणि हा सामना रद्द झाल्याची घोषणा झाली.
भारतीय संघाने आज विजय मिळवल्यास ते ट्वेंटी-२० वर्ल्ड कप स्पर्धेत श्रीलंकेच्या सर्वाधिक ३२ विजयांच्या विक्रमाशी बरोबरी करेल. सध्या भारतीय संघ ( ३१) दुसऱ्या क्रमांकावर आहे. पाकिस्तान ( २९), ऑस्ट्रेलिया ( २८) व दक्षिण आफ्रिका ( २८) हे टॉप फाईव्ह संघ आहेत.
सुपर ८ साठी पात्र ठरलेले संघ
भारत
अफगाणिस्तान
ऑस्ट्रेलिया
वेस्ट इंडिज
दक्षिण आफ्रिका
अमेरिका
टीम इंडियाचे वेळापत्रक
२० जून - अफगाणिस्तान वि. भारत, किंग्स्टन ओव्हल - रात्री ८ वाजल्यापासून
२० जून - ऑस्ट्रेलिया वि. D2 , सर व्हिव्हियन रिचर्ड्स स्टेडियम, नॉर्थ स्टँड - पहाटे ६ वाजल्यापासून
२२ जून - भारत वि. D2, सर व्हिव्हियन रिचर्ड्स स्टेडियम, नॉर्थ स्टँड - रात्री ८ वाजल्यापासून
२२ जून - अफगाणिस्तान वि. ऑस्ट्रेलिया, अर्नोस व्हॅल ग्राउंड, किंगस्टन - पहाटे ६ वाजल्यापासून
२४ जून - ऑस्ट्रेलिया वि. भारत, डॅरेन सॅमी नॅशनल स्टेडियम, सेंट ल्युसिया - रात्री ८ वाजल्यापासून
२४ जून - अफगाणिस्तान वि. D2, अर्नोस व्हॅल ग्राउंड, किंगस्टन - पहाटे ६ वाजल्यापासून
Web Title: icc T20 World Cup 2024 live T20 int cricket match ind vs Canada scorecard online - INDIA vs CANADA ABANDONED DUE TO WET OUT-FIELD, check team india super 8 schedule
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
