Latest Tech News | Tech Marathi News | Latest Tech News in Marathi | तंत्रज्ञान: ताज्या मराठी बातम्या

ट्रेनने प्रवास करणे ही भारतीयांच्या रोजच्या सवयीचा भाग आहे. लांबचा प्रवास असो वा छोटा, ट्रेनमध्ये बसून मोबाईलवर इंटरनेट वापरणे, व्हिडीओ पाहणे किंवा कॉलिंग करणे आपल्याला आवडते. पण, ट्रेनने वेग पकडला की, मोबाईल नेटवर्क गायब होणे किंवा इंटरनेटचा स्पीड मंदावणे, हा नेहमीचा अनुभव आहे. ही समस्या नेमकी का येते आणि यावर मात कशी करायची, याबद्दलची माहिती सोप्या भाषेत जाणून घेऊया.ट्रेनचा वेग, रेल्वे मार्ग ग्रामीण भागातून जाणे आणि ट्रेनची मेटल बॉडी, ही तीन प्रमुख कारणे आहेत, ज्यामुळे प्रवासादरम्यान नेटवर्कची समस्या उद्भवते. ट्रेनच्या आतून रेडिओ सिग्नल अडवले जातात, तसेच एकाच वेळी अनेक प्रवासी डेटा वापरत असल्याने इंटरनेट स्पीड मंदावतो. मात्र, काही सोप्या उपायांनी तुम्ही तुमच्या प्रवासात नेटवर्कची समस्या कमी करू शकता.ट्रेनमध्ये नेटवर्क का मिळत नाही? ट्रेनमध्ये नेटवर्क न मिळण्यामागे तीन प्रमुख कारणे आहेत:> ट्रेन खूप वेगाने धावत असते, ज्यामुळे तुमचा मोबाईल एका नेटवर्क टॉवरवरून दुसऱ्या टॉवरवर सतत शिफ्ट होत राहतो. ट्रेनचा वेग जास्त असल्यामुळे, अनेकदा ही शिफ्टिंग प्रक्रिया व्यवस्थित पूर्ण होत नाही आणि नेटवर्क तुटते किंवा ड्रॉप होते.> रेल्वेचे मार्ग अनेकदा ग्रामीण, डोंगरी किंवा जंगलमय भागातून जातात. अशा ठिकाणी टेलीकॉम कंपन्यांचे टॉवर कमी असतात, ज्यामुळे सिग्नल नैसर्गिकरित्या कमजोर होतात.> ट्रेनची संपूर्ण रचना धातूची असते. धातू रेडिओ सिग्नलसाठी अडथळ्याचे काम करते. यामुळे ट्रेनच्या आत बसलेल्या व्यक्तीला सिग्नल कमी मिळतात, तर खिडकीजवळ बसलेल्या व्यक्तीला तुलनेने चांगले सिग्नल मिळतात.इंटरनेट इतके स्लो का होते?तुमच्या फोनमध्ये जरी नेटवर्क बार्स दिसत असले, तरी इंटरनेटचा वेग खूप कमी असतो. याचे कारण 'लोड' आहे. एकाच ट्रेनमध्ये शेकडो लोक एकाच वेळी मोबाईल डेटा वापरत असतात. यामुळे जवळच्या टॉवरवर अचानक खूप जास्त डेटाचा लोड येतो. या वाढलेल्या लोडमुळे टॉवरची क्षमता कमी पडते आणि इंटरनेटचा वेग आपोआप मंदावतो. हाय-ट्रॅफिक असलेल्या मार्गांवर ही समस्या अधिक असते.नेटवर्कच्या समस्येपासून मुक्त होण्याचे सोपे उपायट्रेनमध्ये १००% परफेक्ट नेटवर्क मिळवणे अवघड असले तरी, खालील काही टिप्स तुम्हाला नक्कीच मदत करू शकतात. > खिडकीजवळ बसा: शक्य असल्यास खिडकीजवळ बसण्याचा प्रयत्न करा, कारण यामुळे ट्रेनच्या मेटल बॉडीचा सिग्नलवरील अडथळा कमी होतो.> चांगले नेटवर्क निवडा: प्रवासाला निघण्यापूर्वी, तुमच्या मार्गावर Airtel, Jio किंवा BSNL यापैकी कोणत्या नेटवर्कची कव्हरेज चांगली आहे, ते तपासून पाहा आणि तोच नेटवर्क वापरा.> ऑफलाइन कंटेंट: प्रवासाला निघण्यापूर्वी व्हिडिओ, चित्रपट किंवा पुस्तके ऑफलाइन डाउनलोड करून ठेवा, जेणेकरून वेळेचा सदुपयोग होईल.> वाय-फाय कॉलिंग: जर स्टेशनवर किंवा ट्रेनमध्ये मोफत वाय-फाय उपलब्ध असेल, तर तुमच्या फोनमध्ये VoWiFi हे फीचर ऑन ठेवा. यामुळे वाय-फायच्या मदतीने तुमचे कॉल अधिक स्पष्ट होतील.

Tech (Marathi News)

BSNL Freedom Plan : फक्त 1 रुपयांत दररोज 2GB डेटा, अनलिमिटेड कॉलिंग अन्... ...

Elon Musk: इलॉन मस्क यांनी झेरोधाचे फाउंडर निखील कामतच्या पॉडकास्टमध्ये अनेक खुलासे केले आहेत. ...

टेक क्षेत्रातील दिग्गज कंपनी गुगलने अलीकडेच व्हीपीएन युजर्ससाठी एक गंभीर इशारा दिला आहे. ...

Google Search: इंटरनेटने आपले दैनंदिन आयुष्य जितके सोपे केले आहे, तितकाच मोठा धोका देखील वाढवला आहे. ...

गुन्हेगारी रोखण्यासाठी 90 दिवसांत नियमांचे पालन बंधनकारक ...