नवी दिल्ली - ऑनलाईन व्यवहार करण्याकडे सध्या सर्वांचाच अधिक भर असतो. त्यामुळेच गुगल पे चा वापरही हमखास केला जातो. गुगल पे चा वापर करणाऱ्यांसाठी आता एक खूशखबर आहे. गुगलने आपली पेमेंट सर्व्हिस Google Pay साठी एक नवीन भन्नाट फीचर लाँच केलं आहे. "टॅप टू पे" असं या फीचरला नाव देण्यात आलं आहे. टॅप टू पे फीचर द्वारे युजर्स सोप्या पद्धतीने आपल्या कार्ड्सचा वापर करू शकणार आहेत. NFC इनेबल्ड पेमेंट टर्मिनल्स आणि ऑनलाईन मर्चेंट्स वापर करू शकतील.
कंपनीने या नव्या फीचरसाठी Visa सोबत पार्टनरशीप देखील केली आहे. सध्या अ‍ॅक्सिस आणि एसबीआय युजर्स या फीचरचा वापर करू शकतील. तसचे कोटक आणि अन्य बँकेच्या ग्राहकांना लवकरच या सर्व्हिसचा वापर करता येणार आहे. हे फीचर युजर्ससाठी एक चांगला पर्याय सिद्ध होऊ शकतं. तसेच आधीच्या तुलनेत सोप्या पद्धतीने कार्डचा वापर केला जाणार असल्याची माहिती मिळत आहे.
गुगल पे अँड NBU इंडियाचे बिझनेस हेड सजीथ सिवानंदन यांनी दिलेल्या माहितीनुसार, 'आम्ही आमच्या ग्राहकांना सुरक्षित अनुभव देण्यासाठी कटिबद्ध आहोत. टोकनचा वापर हा चांगला आहे. त्यामुळे कोणताही धोका निर्माण होत नाही. कोटक आणि अन्य बँकांसोबत ही सुविधा लवकरच सुरू होणार आहे. टोकनसोबत गुगल पे ग्राहकांना एनएफसी सक्षम अँड्रॉईड डिव्हाईस किंवा फोनचा वापर करून सुरक्षित पेमेंट करण्यास मदत मिळणार आहे. या सुविधेचा लाभ 25 लाखांहून अधिक व्यापारी संस्थांना होणार आहे.'
नव्या फीचरचा असा करा वापर
नव्या फीचरचा वापर करण्यासाठी सर्वात आधी गुगल पे अ‍ॅपवर कार्ड डिटेल्स अ‍ॅड करणं गरजेचं आहे. त्यानंतर सेटिंग्समध्ये पेमेंट मेथडमध्ये जाऊन कार्ड अ‍ॅड करा. ओटीपी टाका. त्यानंतर कार्ड अ‍ॅक्टिवेट होईल. मग तुम्ही NFC इनेबल्ड टर्मिनल्सवर पेमेंट सर्व्हिसचा वापर करू शकता. एका हिंदी वेबसाईटने याबाबतचे वृत्त दिले आहे. गुगलने एक खास फीचर आणलं आहे. गुगलकडून Verified Calls फीचरची घोषणा करण्यात आली आहे. Google Phone अ‍ॅप्सचा हा एक भाग आहे. यामुळे तुम्हाला कोण कॉल करतंय याबाबतची माहिती मिळणार आहे.
मस्तच! आता Google सांगणार तुम्हाला कोण करतंय कॉल?, TrueCaller ला टक्कर
कॉल फ्रॉड्सवर लगाम लावणं हा गुगलच्या या खास फीचरमागचा मुख्य उद्देश आहे. भारतासह जगभरात फ्रॉड कॉल्स ही मोठी समस्या आहे. तसेच Verified Calls फीचर रोलआउट करण्यासोबतच युजर्सचा यापासून बचाव होणार आहे. बिझनेस कॉलमध्ये युजर्सला कोण आणि का कॉल करत आहे हे दिसणार आहे. भारत, स्पेन, ब्राझील मेक्सिको आणि यूएससह जगभरात हे फीचर रोलआऊट केले जात आहे. सध्या TrueCaller हे अ‍ॅप युजर्सना असे फंक्शन देत आहे. Google Phone अ‍ॅपमध्ये हे फीचर्स आल्यास हे फीचर युजर्सच्या डिव्हाईसचा एक भाग बनणार आहे. म्हणजेच वेगळं कोणतंही अ‍ॅप यासाठी खास डाऊनलोड करण्याची गरज भासणार नाही.
महत्त्वाच्या बातम्या
काय सांगता? WhatsApp वर पाठलेले फोटो-व्हिडीओ होणार गायब
"मोदींनी काँग्रेसने निर्माण केलेले संबंध संपुष्टात आणले, आजूबाजूला एकही मित्र नसणे धोकादायक"
माता न तू वैरिणी! 5 लाखांसाठी अल्पवयीन मुलीला विकलं, दुप्पट वयाच्या व्यक्तीसोबत लग्न लावलं अन्...
"चीनने मिलिट्री लॅबमध्ये बनवला कोरोना, प्रकरण दाबण्यात WHO चा हात", वैज्ञानिकाचा आरोप