FLiX नं भारतात आपल्या Beetal ब्रँडमध्ये स्मार्टवॉच सीरीजचा विस्तार करत 'S12 Pro Talkon' स्मार्टवॉच लाँच केलं आहे. कंपनीनं याची किंमत 3,999 रुपये ठेवली आहे, परंतु मर्यादित कालावधीसाठी हे स्मार्टवॉच फक्त 2,999 रुपयांमध्ये विकत घेता येईल. या वॉचची विक्री अॅमेझॉन आणि Udaan या दोन ईकामर्स प्लॅटफॉर्म्सवरून विकत घेता येईल.
Flix Beetal S12 Pro Talkon Smartwatch चे स्पेक्स
या स्मार्टवॉचमध्ये मेटॅलिक बिल्डसह 1.54 इंचाचा एलसीडी डिस्प्ले देण्यात आला आहे. हे वॉच सिंगल चार्जवर 20-25 दिवस स्टँडबाय टाइम देऊ शकतं, असा दावा कंपनीनं केला आहे. S12 Pro टॉकऑन स्मार्टवॉच ब्लूटूथ V5.0 ला सपोर्ट करतं. यात एचडी साऊंडसह हॅन्ड्स-फ्री कॉलिंग फिचर देण्यात आलं आहे. सोबत स्मार्ट रिकग्निशन आणि अनेक स्पोर्ट्स मोड मिळतात.
हे स्मार्टवॉच तुमचं ब्लड-प्रेशर मॉनिटर करू शकतं. ताण कमी करण्यासाठी रिलेक्सेशन आणि ब्रीदिंग टेक्निक सांगतं. वॉच हार्ट रेट आणि ऑक्सीजन लेव्हल देखील ट्रॅक करू शकतो. कॅलरी बर्न, डिस्टेंस ट्रॅव्हल आणि स्टेप काउंटसह यात बॉडी टेम्परेचर फिचर मिळतं. पर्सनलाजेशनसाठी यात अनेक वॉच फेस मिळतात. हे स्मार्टवॉच IP65 रेटिंगसह येतं त्यामुळे धूळ आणि पाण्याचा यावर दुष्परिणाम होत नाही.
हे देखील वाचा: